Liverpool náði ekki að brjóta varnarmúr Stoke

Liverpool gerði markalaust jafntefli við Stoke á heimavelli í dag en þar fóru tvö dýrmæt stig í súginn hjá Liverpool.

Mohamed Salah fékk gullið tækifæri í fyrri hálfleik til að bæta markametið en vippaði boltanum yfir Jack Butland og framhjá markinu.

Ekki náði Liverpool að skora þrátt fyrir mikla yfirburði en Liverpool átti ellefu skot en Stoke einungis þrjú skot.

Lokatölur markalaust jafntefli og Liverpool er í þriðja sætinu með 72 stig, fjórum stigum á undan Tottenham sem er í fjórða sætinu.

Stoke er í átjánda sætinu með 30 stig, þremur stigum frá öruggu sæti.