Ekkert varð úr æfingarleik Cardiff í kvöld

Blása þurfti æfingaleik Cardiff og Greenmock Morton af í kvöld vegna þess að Greenock náði ekki í lið. Þeir léku því frekar æfingarleik í heimahögunum.

Cardiff, sem leikur í ensku úrvalsdeildinni á komandi leiktíð, átti að spila gegn neðrideildarliði Greenmock í kvöld en mikil meiðsli herja á lið Greenmock.

„Auðvitað erum við ósáttir að leikurinn fari ekki fram því við vorum orðnir spenntir að fara spila,” sagði Neil Warnock, stjóri Cardiff.

„Því miður hafa Greenock verið að glíma við meiðsli og ég vildi ekki fara þangað tli þess að mæta ekki þeirra sterkasta liði.”

Næsti leikur á undirbúningstímabilinu hjá Aroni Einari Gunnarssyni og félögum í Cardiff verður því gegn Burton á laugardaginn.