BMW innkallar yfir 300.000 bíla í Evrópu

Bílaframleiðandinn BMW hefur innkallað um 324.000 bifreiðar vegna vélargalla sem fundist hefur í dísel-bílum framleiðandans í Suður-Kóreu.

Eldur hefur komið upp í 27 BMW dísel-bílum í Suður-Kóreu á árinu. BMW ákvað því að um 106.000 ökutæki skyldu innkölluð í landinu og gaf framleiðandinn þar í landi út opinbera afsökunarbeiðni.

Reuters greinir frá að nú hafi verið ákveðið að kalla inn 324.000 ökutæki í Evrópu að auki, þar af 96.300 í Þýskalandi og verður gallinn lagaður af starfsmönnum BMW.