Sálfræðingar frá Rauða krossinum að störfum í Malaví Heimsljós kynnir 14. desember 2018 10:30 Þátttakendur á námskeiðinu ásamt leiðbeinendum. Rauði krossinn. Tveir íslenskir sálfræðingar, Elfa Dögg S. Leifsdóttir og Jóhann Thoroddsen, fóru á dögunum sem sendifulltrúar Rauða krossins til Malaví þar sem félagið vinnur að langtímaþróunarverkefninu „Aukinn viðnámsþróttur nærsamfélaga“ í þremur héruðum í sunnanverðu landinu. Verkefnið er unnið í samvinnu við systurfélög Rauða krossins í Danmörku, Finnlandi og Ítalíu með góðum stuðingi frá íslenska utanríkisráðuneytinu. Í frétt á vef Rauða krossins á Íslandi segir að tilgangur ferðarinnar hafi verið að halda leiðbeinendanámskeið fyrir starfsfólk malavíska Rauða krossins í sálrænum stuðningi. Námskeiðið sé liður í að styrkja innviði malavíska landsfélagsins og gera sálrænan stuðning hluta af sem flestum verkefnum þess vítt og breitt um landið. Þörfin sé mikil enda búi milljónir íbúa landsins við mikla fátækt. Fram kemur í fréttinni að í lok námskeiðsins hafi þátttakendum verið skipt niður í litla hópa þar sem hver hópur fékk það verkefni að útbúa tæplega hálftíma ör-námskeið í sálrænum stuðningi. „Þessar kynningar heppnuðust vel og sýndu þátttakendur góða færni í að koma þessum fróðleik á framfæri. Þá var stóra hópnum skipt upp í tvennt og hvor hópur um sig útbjó áætlun um væntanlegt námskeiðahald þátttakenda í framhaldinu,“ segir í fréttinni en þáttakendum er nú ætlað að halda styttri og lengri námskeið um sálrænan stuðning fyrir starfsfólk, sjálfboðaliða og almenning í Malaví. Námskeiðið stóð yfir í fimm daga og var sótt af 19 starfsmönnum frá þremur svæðum í Malaví auk starfsfólks á landsskrifstofu Rauða krossins.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Mest lesið Brynjar ákærður fyrir að brjóta á fleiri stúlkum Innlent Hefur þrisvar komið að 13 ára syni sínum meðvitundarlausum Innlent Segir Vinstri græn ekki styðja frekari breytingar á útlendingalögum Innlent Vísar á bug tillögum um frið í skiptum fyrir úkraínskt land Erlent Hvers vegna er skiltið í Kúrlandi svo hátt uppi? Innlent Samherjaskipstjórinn segir málinu ekki lokið Innlent Líklega verði flett ofan af fleirum í rannsókn á brotum Diddy Innlent „Þetta má aldrei gerast aftur“ Innlent Sextán ára dómur fyrir manndráp í Drangahrauni stendur Innlent Sjö Rúmenar gefa ekkert uppi um tugmilljóna króna þýfi Innlent
Tveir íslenskir sálfræðingar, Elfa Dögg S. Leifsdóttir og Jóhann Thoroddsen, fóru á dögunum sem sendifulltrúar Rauða krossins til Malaví þar sem félagið vinnur að langtímaþróunarverkefninu „Aukinn viðnámsþróttur nærsamfélaga“ í þremur héruðum í sunnanverðu landinu. Verkefnið er unnið í samvinnu við systurfélög Rauða krossins í Danmörku, Finnlandi og Ítalíu með góðum stuðingi frá íslenska utanríkisráðuneytinu. Í frétt á vef Rauða krossins á Íslandi segir að tilgangur ferðarinnar hafi verið að halda leiðbeinendanámskeið fyrir starfsfólk malavíska Rauða krossins í sálrænum stuðningi. Námskeiðið sé liður í að styrkja innviði malavíska landsfélagsins og gera sálrænan stuðning hluta af sem flestum verkefnum þess vítt og breitt um landið. Þörfin sé mikil enda búi milljónir íbúa landsins við mikla fátækt. Fram kemur í fréttinni að í lok námskeiðsins hafi þátttakendum verið skipt niður í litla hópa þar sem hver hópur fékk það verkefni að útbúa tæplega hálftíma ör-námskeið í sálrænum stuðningi. „Þessar kynningar heppnuðust vel og sýndu þátttakendur góða færni í að koma þessum fróðleik á framfæri. Þá var stóra hópnum skipt upp í tvennt og hvor hópur um sig útbjó áætlun um væntanlegt námskeiðahald þátttakenda í framhaldinu,“ segir í fréttinni en þáttakendum er nú ætlað að halda styttri og lengri námskeið um sálrænan stuðning fyrir starfsfólk, sjálfboðaliða og almenning í Malaví. Námskeiðið stóð yfir í fimm daga og var sótt af 19 starfsmönnum frá þremur svæðum í Malaví auk starfsfólks á landsskrifstofu Rauða krossins.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Mest lesið Brynjar ákærður fyrir að brjóta á fleiri stúlkum Innlent Hefur þrisvar komið að 13 ára syni sínum meðvitundarlausum Innlent Segir Vinstri græn ekki styðja frekari breytingar á útlendingalögum Innlent Vísar á bug tillögum um frið í skiptum fyrir úkraínskt land Erlent Hvers vegna er skiltið í Kúrlandi svo hátt uppi? Innlent Samherjaskipstjórinn segir málinu ekki lokið Innlent Líklega verði flett ofan af fleirum í rannsókn á brotum Diddy Innlent „Þetta má aldrei gerast aftur“ Innlent Sextán ára dómur fyrir manndráp í Drangahrauni stendur Innlent Sjö Rúmenar gefa ekkert uppi um tugmilljóna króna þýfi Innlent