Hörður skoraði í sigri CSKA

Hörður Björgvin Magnússon var á skotskónum er CSKA Moskva vann 2-0 sigur á Republican FC Akhmat Grozny í rússnesku úrvalsdeildinni í knattspyrnu.

Staðan var markalaus í hálfleik en Hörður Björgvin kom CSKA yfir á 57. mínútu. Í uppbótartíma tvöfaldaði Timur Zhamaletdinov svo forystuna og lokatölur 2-0.

Hörður Björgvin stóð vaktina allan tímann í vörn CSKA en Arnór Sigurðsson var ekki í leikmannahópnum. Reikna má með að hann sé meiddur.

Með sigrinum er CSKA komið upp í þriðja sæti deildarinnar og er nú fimm stigum á eftir toppliði Zenit sem á þó leik til góða.