Fótbolti

DC United sagt tilkynna Rooney í dag

Ástrós Ýr Eggertsdóttir skrifar
Gylfi Þór Sigurðsson og Wayne Rooney.
Gylfi Þór Sigurðsson og Wayne Rooney. Vísir/Getty
DC United mun kynna Wayne Rooney sem nýjan leikmann liðsins í dag. Heimildarmenn Sky Sports staðfesta fregnirnar.

Öll pappírsmál Rooney eiga að vera komin á hreint og mun hann geta hafið æfingar með nýju liðsfélögunum fyrir vikulok.

Rooney verður þó ekki formlega orðinn leikmaður DC United fyrr en 10. júlí þegar félagsskiptaglugginn í MLS deildinni opnar.

Rooney fer til bandaríska félagsins frá hans uppeldisfélagi Everton en hann fór á heimaslóðir síðasta sumar eftir frábæran feril hjá Manchester United. Þegar Rooney hættir að spila í MLS deildinni mun hann halda aftur til Englands og taka við þjálfunarstarfi hjá Everton samkvæmt frétt Sky.

Englendingurinn er 32 ára gamall og er markahæsti leikmaður bæði Manchester United og enska landsliðsins frá upphafi.

Fótbolti

Tengdar fréttir

Rooney hársbreidd frá D.C. United

Wayne Rooney er við það að ganga til liðs við bandaríska liðið D.C. United samkvæmt heimildum bandarísku fréttastofunnar ESPN.

Mest lesið


Fleiri fréttir

Sjá meira


×

Mest lesið