Rafmagnslaust í Breiðholti

Allt rafmagn fór af Breiðholti nú fyrir skömmu og er því rafmagnslaust í Efra-Breiðholti, Bökkum og Seljahverfi.

Samkvæmt símsvara Veitna er um bilun í háspennustöð að ræða og unnið er að því að laga vandann. Nær bilunin mögulega til stærra svæðis en vonast er til að rafmagn komist aftur á eins fljótt og auðið er.  

Fólki er bent á að huga að raftækjum sem slökkva ekki á sér sjálf og þá gæti þurft að endurstilla tímastillt tæki þegar rafmagn kemst aftur á.

Uppfært 19:19: Rafmagn er komið aftur á í Breiðholti.