Augnablikið sem breytti ferlinum var þegar fósturfjölskylda sagðist ekki vilja hann Ástrós Ýr Eggertsdóttir skrifar 15. apríl 2019 17:00 Kevin de Bruyne er einn af bestu fótboltamönnum heims í dag vísir/getty Kevin de Bruyne á feril sinn að þakka belgískri fósturfjölskyldu sem vildi hann ekki. Þetta sagði hann í opinskárri færslu á The Player's Tribune. De Bruyne byrjar færslu sína á því að segja að hann hafi haldið að Raheem Sterling væri hrokafullur og leiðinlegur afþví hann hafi lesið svo margar neikvæðar fréttir um hann. Sterling hélt að de Bruyne væri erfiður einfari. Belginn sagðist hafa skilið vel afhverju Sterling hafi haldið þetta um sig, hann hafi haft ský yfir höfði sér síðan hann var 16 ára gamall. „Ég skal segja ykkur sögu, en þið verðið að skilja að það að tala um sjálfan mig er eitt það erfiðasta sem ég geri,“ skrifaði de Bruyne. Hann byrjaði sögu sína á að segja að hann hafi alla tíð verið hljóðlátur og feiminn. Hann talaði ekki mikið utan vallar en gat sprungið út á fótboltavellinum. Þegar hann var 14 ára fór hann í fótboltaakademíu í Genk og fluttist því frá fjölskyldu sinni. Fyrsta árið bjó hann á heimavist, einn í litlu herbergi. Annað árið fékk hann hins vegar að flytja til fósturfjölskyldu. Hann, og tveir aðrir, fluttu inn til fjölskyldu sem akademían borgaði fyrir að hýsa þá.Kevin de Bruyne í búningi Genkvísir/getty„Ég var ennþá mikið einn, en ég hélt að allt gengi vel. Árið leið, mér gekk vel í skóla og í fótboltanum. Engin slagsmál og engin vandræði.“ „Í lok skólaársins pakkaði ég niður og sagði bless við fósturfjölskylduna. Þau sögðu: „Sjáumst í haust, hafðu það gott í sumar“.“ „En um leið og ég labbaði inn um dyrnar heima hjá foreldrum mínum sá ég að móðir mín var grátandi. Ég hélt það hefði einhver dáið eða eitthvað slíkt.“ „Ég spurði hvað var að og móðir mín sagði orðin sem líklegast skópu restina af ferlinum. Hún sagði: „Þau vilja ekki að þú komir aftur. Fósturfjölskyldan vill ekki hafa þig lengur útaf því hver þú ert. Þau segja að þú sért of hlédrægur og þau geti ekki haft samskipti við þig. Þau segja að þú sért erfiður“.“ „Ég var mjög hissa. Þetta var svo persónulegt. Þau höfðu aldrei sagt neitt við mig, það voru aldrei nein vandamál. Ég hélt mig í herberginu mínu og truflaði aldrei neinn. Þau kvöddu mig eins og allt væri í lagi en sögðu félaginu svo að þau vildu ekki hafa mig lengur.“ Miðjumaðurinn lýsti því hvernig hann hafi farið út með bolta og sparkað honum í vegg í nokkra klukkutíma. Hann ákvað að hann skyldi komast í aðallið félagsins innan tveggja mánaða og hann ætlaði ekki að koma heim með skottið á milli lappanna. Hann fór aftur til Genk eftir sumarfríið og þurfti aftur að fara á heimavist. Einn daginn breyttist allt. Hann var í varaliðinu og liðið átti leik á föstudagskvöldi. Hann byrjaði á bekknum en kom inn á í seinni hálfleik. „Þegar ég kom inn á þá bara brjálaðist ég,“ skrifaði de Bruyne en hann skoraði fimm mörk eftir að hann kom inn á. Þá breyttist allt, hann komst í aðalliðið og félagið var tilbúið til þess að borga fyrir nýja fósturfjölskyldu. „Þessi lífsreynsla var bensín fyrir ferilinn minn. En þetta mál elti mig í langan tíma. Þegar ég skrifaði undir hjá Chelsea var enn verið að segja þessa sögu í belgískum fjölmiðlum, hversu erfið manneskja ég sé.“ De Bruyne fór einnig yfir tíma sinn hjá Chelsea, samskiptin við Jose Mourinho, og áhrif Pep Guardiola á Manchester City. Allan pistil de Bruyne má lesa hér. Enski boltinn Mest lesið Samherji Stefáns Teits kærður fyrir meint bit Enski boltinn Ricciardo tapar sæti sínu hjá RB Formúla 1 Viktor Gísli öflugur gegn PSG Handbolti Engin vandræði þrátt fyrir að vera manni færri nær allan leikinn Fótbolti ÍBV og Grótta með sigra Handbolti Andri Lucas lagði upp í óvæntu tapi Fótbolti Arsenal sneri dæminu sér í vil Fótbolti Amanda lagði upp á leið sinni í riðlakeppni Meistaradeildar Evrópu Fótbolti Andri Már spilaði stóran þátt í sigri Leipzig Handbolti Birkir á leið til Vals á nýjan leik Íslenski boltinn Fleiri fréttir Samherji Stefáns Teits kærður fyrir meint bit Kroos ætlaði að fara til United en svo var Moyes rekinn Keane: „Arsenal er með hugarfar smáliðs“ Telur sig geta fyllt skarð Rodri Stjóri West Ham meiddist gegn Liverpool og yfirgaf völlinn á hækjum Stefán fær Arsenal í heimsókn Hvern gæti Man City sótt í stað Rodri? „Eina sem gerir mann betri er að vinna“ Bragðdauft á Old Trafford Liverpool kom til baka eftir að lenda undir Skytturnar skoruðu fimm Arteta varðist ásökunum: „Þá væri ég mjög tregur“ „Pep Guardiola eyðilagði fótboltann“ Varalið Villa kreisti út sigur á C-deildarliðinu Naumur sigur dugði City Nkunku með þrennu gegn D-deildarliðinu Fyrrum lögmaður Trump vill í enska boltann Tímabilið búið hjá Rodri? Bandaríkjamenn að eignast Everton Haaland ekki refsað BBC gefur í skyn að draumur Freys gæti ræst Keane segir Arteta að taka lyfin sín Ótrúleg og áður óséð tölfræði: Tveir Arsenal-menn áttu enga sendingu Varamaðurinn tryggði meisturunum dramatískt stig Þrjú rauð á loft þegar Brighton og Forest gerðu jafntefli „Allir vilja að við verðum þurrkaðir af yfirborði jarðar“ „Átum þá lifandi í fyrri hálfleik“ „Ekki jafn auðvelt og lokatölurnar gáfu til kynna“ Gestirnir ívið betri en engin mörk skoruð Willum Þór gaf stoðsendingu Sjá meira
Kevin de Bruyne á feril sinn að þakka belgískri fósturfjölskyldu sem vildi hann ekki. Þetta sagði hann í opinskárri færslu á The Player's Tribune. De Bruyne byrjar færslu sína á því að segja að hann hafi haldið að Raheem Sterling væri hrokafullur og leiðinlegur afþví hann hafi lesið svo margar neikvæðar fréttir um hann. Sterling hélt að de Bruyne væri erfiður einfari. Belginn sagðist hafa skilið vel afhverju Sterling hafi haldið þetta um sig, hann hafi haft ský yfir höfði sér síðan hann var 16 ára gamall. „Ég skal segja ykkur sögu, en þið verðið að skilja að það að tala um sjálfan mig er eitt það erfiðasta sem ég geri,“ skrifaði de Bruyne. Hann byrjaði sögu sína á að segja að hann hafi alla tíð verið hljóðlátur og feiminn. Hann talaði ekki mikið utan vallar en gat sprungið út á fótboltavellinum. Þegar hann var 14 ára fór hann í fótboltaakademíu í Genk og fluttist því frá fjölskyldu sinni. Fyrsta árið bjó hann á heimavist, einn í litlu herbergi. Annað árið fékk hann hins vegar að flytja til fósturfjölskyldu. Hann, og tveir aðrir, fluttu inn til fjölskyldu sem akademían borgaði fyrir að hýsa þá.Kevin de Bruyne í búningi Genkvísir/getty„Ég var ennþá mikið einn, en ég hélt að allt gengi vel. Árið leið, mér gekk vel í skóla og í fótboltanum. Engin slagsmál og engin vandræði.“ „Í lok skólaársins pakkaði ég niður og sagði bless við fósturfjölskylduna. Þau sögðu: „Sjáumst í haust, hafðu það gott í sumar“.“ „En um leið og ég labbaði inn um dyrnar heima hjá foreldrum mínum sá ég að móðir mín var grátandi. Ég hélt það hefði einhver dáið eða eitthvað slíkt.“ „Ég spurði hvað var að og móðir mín sagði orðin sem líklegast skópu restina af ferlinum. Hún sagði: „Þau vilja ekki að þú komir aftur. Fósturfjölskyldan vill ekki hafa þig lengur útaf því hver þú ert. Þau segja að þú sért of hlédrægur og þau geti ekki haft samskipti við þig. Þau segja að þú sért erfiður“.“ „Ég var mjög hissa. Þetta var svo persónulegt. Þau höfðu aldrei sagt neitt við mig, það voru aldrei nein vandamál. Ég hélt mig í herberginu mínu og truflaði aldrei neinn. Þau kvöddu mig eins og allt væri í lagi en sögðu félaginu svo að þau vildu ekki hafa mig lengur.“ Miðjumaðurinn lýsti því hvernig hann hafi farið út með bolta og sparkað honum í vegg í nokkra klukkutíma. Hann ákvað að hann skyldi komast í aðallið félagsins innan tveggja mánaða og hann ætlaði ekki að koma heim með skottið á milli lappanna. Hann fór aftur til Genk eftir sumarfríið og þurfti aftur að fara á heimavist. Einn daginn breyttist allt. Hann var í varaliðinu og liðið átti leik á föstudagskvöldi. Hann byrjaði á bekknum en kom inn á í seinni hálfleik. „Þegar ég kom inn á þá bara brjálaðist ég,“ skrifaði de Bruyne en hann skoraði fimm mörk eftir að hann kom inn á. Þá breyttist allt, hann komst í aðalliðið og félagið var tilbúið til þess að borga fyrir nýja fósturfjölskyldu. „Þessi lífsreynsla var bensín fyrir ferilinn minn. En þetta mál elti mig í langan tíma. Þegar ég skrifaði undir hjá Chelsea var enn verið að segja þessa sögu í belgískum fjölmiðlum, hversu erfið manneskja ég sé.“ De Bruyne fór einnig yfir tíma sinn hjá Chelsea, samskiptin við Jose Mourinho, og áhrif Pep Guardiola á Manchester City. Allan pistil de Bruyne má lesa hér.
Enski boltinn Mest lesið Samherji Stefáns Teits kærður fyrir meint bit Enski boltinn Ricciardo tapar sæti sínu hjá RB Formúla 1 Viktor Gísli öflugur gegn PSG Handbolti Engin vandræði þrátt fyrir að vera manni færri nær allan leikinn Fótbolti ÍBV og Grótta með sigra Handbolti Andri Lucas lagði upp í óvæntu tapi Fótbolti Arsenal sneri dæminu sér í vil Fótbolti Amanda lagði upp á leið sinni í riðlakeppni Meistaradeildar Evrópu Fótbolti Andri Már spilaði stóran þátt í sigri Leipzig Handbolti Birkir á leið til Vals á nýjan leik Íslenski boltinn Fleiri fréttir Samherji Stefáns Teits kærður fyrir meint bit Kroos ætlaði að fara til United en svo var Moyes rekinn Keane: „Arsenal er með hugarfar smáliðs“ Telur sig geta fyllt skarð Rodri Stjóri West Ham meiddist gegn Liverpool og yfirgaf völlinn á hækjum Stefán fær Arsenal í heimsókn Hvern gæti Man City sótt í stað Rodri? „Eina sem gerir mann betri er að vinna“ Bragðdauft á Old Trafford Liverpool kom til baka eftir að lenda undir Skytturnar skoruðu fimm Arteta varðist ásökunum: „Þá væri ég mjög tregur“ „Pep Guardiola eyðilagði fótboltann“ Varalið Villa kreisti út sigur á C-deildarliðinu Naumur sigur dugði City Nkunku með þrennu gegn D-deildarliðinu Fyrrum lögmaður Trump vill í enska boltann Tímabilið búið hjá Rodri? Bandaríkjamenn að eignast Everton Haaland ekki refsað BBC gefur í skyn að draumur Freys gæti ræst Keane segir Arteta að taka lyfin sín Ótrúleg og áður óséð tölfræði: Tveir Arsenal-menn áttu enga sendingu Varamaðurinn tryggði meisturunum dramatískt stig Þrjú rauð á loft þegar Brighton og Forest gerðu jafntefli „Allir vilja að við verðum þurrkaðir af yfirborði jarðar“ „Átum þá lifandi í fyrri hálfleik“ „Ekki jafn auðvelt og lokatölurnar gáfu til kynna“ Gestirnir ívið betri en engin mörk skoruð Willum Þór gaf stoðsendingu Sjá meira