Neymar mætti á æfingu í einkaþyrlu

Brasilíska landsliðið er að undirbúa sig fyrir Copa América keppnina sem fer fram að þessu sinni fram á heimavelli í Brasilíu.

Brasilíumenn eru í riðli með Bólivíu, Venesúela og Perú en fyrsti leikurinn er á móti Bólivíumönnum 14. júní næstkomandi. Copa América verður í beinni útsendingu á Stöð 2 Sport í sumar.

Neymar missti fyrirliðaband landsliðsins á dögunum en hann er enn þá í brasilíska hópnum.

Hann var ekki spenntur fyrir að lenda í umferðarteppu á leiðinni á æfingu og mætti því í einkaþyrlunni sinni.

Neymar Jr arrives at Brazil training in his personalised black Mercedes helicopter worth an estimated £10 million. How was your commute? pic.twitter.com/bqkZFgL74k

— ESPN UK (@ESPNUK) June 5, 2019

Þyrla Neymar er merkt „njr“ og PP-NJR eða Neymar Jr og er glæný. Hún er frá Mercedes Benz, 13,64 metra löng og 3,95 metra á hæð. Þyrlan er metin á þrettán milljónir evra jafnvirði um tæplega tveggja milljarða íslenskra króna. 

Þetta er ekki í fyrsta sinn sem Neymar býður upp á svona stjörnustæla þegar hann er að æfa með brasilíska landsliðinu.

Svo má spyrja sig af hverju gengur ekki betur hjá brasilíska landsliðinu þegar einn leikmaður liðsins fær svona sérmeðferð.