Burnley stöðvaði sigurgöngu United undir stjórn Solskjær Anton Ingi Leifsson skrifar 29. janúar 2019 21:45 Leikmenn Burnley fagna marki Barnes. vísir/getty Burnley varð í kvöld fyrsta liðið til þess að stöðva Manchester United undir stjórn Ole Gunnar Solskjær en Burnley og United gerðu 2-2 jafntefli í kvöld. Staðan var markalaus í hálfleik þar sem heimamenn voru mun meira með boltann. Marcus Rashford fékk til að mynda dauðafæri en klúðraði og allt jafnt í hálfleik. Það voru hins vegar gestirnir sem komust yfir á 51. mínútu. Andreas Pereira missti boltann á hættulegum stað, Jack Cork kom boltanum á Ashley Barnes sem kláraði færið frábærlega. Gestirnir tvölduðu forystuna svo níu mínútum fyrir leikslok. Eftir fyrirgjöf Ashley Westwood var Chris Wood aleinn inn á teignum og hann skallaði boltann laglega í netið undir engri pressu. United fékk vítaspyrnu á 88. mínútu er brotið var á Jesse Lingard inn á teignum. Á punktinn steig Paul Pogba og skoraði af miklu öryggi. Fimmti heimaleikurinn í röð sem franski heimsmeistarinn kemst á blað. Fjörinu var ekki lokið því í uppbótartímanum jafnaði Victor Lindelöf metin með sínu fyrsta marki á leiktíðinni er hann fylgdi á eftir skoti sem Tom Heaton hafði varið út í teiginn. Lokatölur 2-2. Eftir að hafa unnið fyrstu átta leikina sína varð Burnley því fyrsta liðið til þess að ná stigi af United en United er í sjötta sætinu með 44 stig, þremur stigum á eftir Arsenal og Chelsea sem eru í sætunum fyrir ofan. Jóhann Berg Guðmundsson kom inn á í liði Burnley rétt fyrir annað mark Burnley. Þeir eru í sextánda sæti deildarinnar, þremur stigum frá fallsæti.Man Utd have dropped points for the first time under Ole Gunnar Solskjaer:WWWWWWDIt could have been a lot worse. pic.twitter.com/ofVSqXswCg— Squawka Football (@Squawka) January 29, 2019 Enski boltinn
Burnley varð í kvöld fyrsta liðið til þess að stöðva Manchester United undir stjórn Ole Gunnar Solskjær en Burnley og United gerðu 2-2 jafntefli í kvöld. Staðan var markalaus í hálfleik þar sem heimamenn voru mun meira með boltann. Marcus Rashford fékk til að mynda dauðafæri en klúðraði og allt jafnt í hálfleik. Það voru hins vegar gestirnir sem komust yfir á 51. mínútu. Andreas Pereira missti boltann á hættulegum stað, Jack Cork kom boltanum á Ashley Barnes sem kláraði færið frábærlega. Gestirnir tvölduðu forystuna svo níu mínútum fyrir leikslok. Eftir fyrirgjöf Ashley Westwood var Chris Wood aleinn inn á teignum og hann skallaði boltann laglega í netið undir engri pressu. United fékk vítaspyrnu á 88. mínútu er brotið var á Jesse Lingard inn á teignum. Á punktinn steig Paul Pogba og skoraði af miklu öryggi. Fimmti heimaleikurinn í röð sem franski heimsmeistarinn kemst á blað. Fjörinu var ekki lokið því í uppbótartímanum jafnaði Victor Lindelöf metin með sínu fyrsta marki á leiktíðinni er hann fylgdi á eftir skoti sem Tom Heaton hafði varið út í teiginn. Lokatölur 2-2. Eftir að hafa unnið fyrstu átta leikina sína varð Burnley því fyrsta liðið til þess að ná stigi af United en United er í sjötta sætinu með 44 stig, þremur stigum á eftir Arsenal og Chelsea sem eru í sætunum fyrir ofan. Jóhann Berg Guðmundsson kom inn á í liði Burnley rétt fyrir annað mark Burnley. Þeir eru í sextánda sæti deildarinnar, þremur stigum frá fallsæti.Man Utd have dropped points for the first time under Ole Gunnar Solskjaer:WWWWWWDIt could have been a lot worse. pic.twitter.com/ofVSqXswCg— Squawka Football (@Squawka) January 29, 2019