Kvöldfréttir Stöðvar 2 í beinni

Manna þarf 132 stöðugildi í leikskólum Reykjavíkur og rúm 73 í grunnskólum borgarinnar fyrir haustið. Á leikskólanum Jörfa vantar þriðjung starfsliðsins og búið er að loka einni deild á leikskólanum.

Leikskólastjórinn, Bergljót Jóhannsdóttir, segir ástandið aldrei hafa verið jafnslæmt en rætt verður við hana í fréttum Stöðvar tvö klukkan hálf sjö.

Í fréttatímanum kynnum við okkur líka nýjar upplýsingar um tólf hundruð ára gamalt Kötlugos og verðum í beinni frá Hörpu, þar sem Jazzhátíð Reykjavíkur er að hefjast.