Íslenski boltinn

Pepsi-mörkin: Átta Blikar komu við boltann fyrir sigurmark Rohde

Óskar Ófeigur Jónsson skrifar
Nichlas Rohde tryggði Blikum 2-1 sigur á Stjörnunni í Pepsi-deild karla í fótbolta í gær og Hörður Magnússon og félagar í Pepsi-mörkunum fóru nánar yfir þetta mikilvæga mark sem kom eftir frábært samspil hjá Blikum.

„Þetta var ekta Óla Kristjáns mark og kemur í framhaldi af því hvernig Blikar æfa," sagði Hjörvar Hafliðason, einn sérfræðinganna í Pepsi-mökunum um sigurmarkið hjá Rohde. Markið kom eftir langa sókn og flotta stoðsendingu hjá Ellerti Hreinssyni.

„Það er mikil þolinmæði í uppbyggingunni og það snerta boltann átta Blikar í þessari sókn," lýsir Hjörvar en það er hægt að sjá myndband með þessu frábæra marki með því að smella hér fyrir ofan.

Það voru bara þrír leikmenn Breiðabliks sem fengu ekki boltann í þessari mögnuðu sókn en það voru fyrirliðinn Finnur Orri Margeirsson, Andri Rafn Yeoman og Árni Vilhjálmsson en þeir tóku allir samt þátt í sókninni með góðum hlaupum í svæði.

Nichlas Rohde hefur nú skorað sex mörk í fimmtán leikjum í Pepsi-deildinni í sumar en hann kom aftur inn í byrjunarlið Blika fyrir þennan leik.




Tengdar fréttir

Uppgjörið úr Pepsi-mörkunum

Leik í 10. umferð Pepsi-deildar karla lauk loks í gærkvöldi með Reykjavíkurslag og grannaslag Blika og Stjörnunnar.

Pepsi-mörkin: Cristiano Ronaldo-hreyfingin hans Emils Atla

Hörður Magnússon fór yfir leik KR og Vals í Pepsi-deild karla í fótbolta í Pepsi-mörkunum í gær ásamt þeim Hjörvari Hafliðsyni og Tómasi Inga Tómassyni. KR-ingar unnu þarna sinn fimmta leik í röð í deildinni og náðu fjögurra stiga forskoti á toppi deildarinnar.

Pepsi-mörkin: Dansinn hjá Óla Kristjáns

Ólafur Kristjánsson, þjálfari Breiðabliks, fagnaði langþráðum sigri í Pepsi-deildinni í gærkvöldi þegar Blikar unnu 2-1 sigur á Stjörnunni á Kópavogsvellinum en þetta var fyrsti deildarsigur Breiðabliksliðsins í ágústmánuði.




Fleiri fréttir

Sjá meira


×