Innlent

Á þriðja hundrað manns vinna að Game of Thrones

Á þriðja hundrað manns vinna að gerð bandarísku sjónvarpsþáttanna Game of Thrones við rætur Vatnajökuls. Mögulegt er að frekari upptökur fari hér fram á næstu misserum.

Það er bandaríska sjónvarpsstöðin HBO sem framleiðir þættina sem eru einhvers konar blanda af spennu- og ævintýraþáttum. Þeir hafa notið mikilla vinsælda, meðal annars hlotið Emmy verðlaun og verið sýndir hér á landi.

Fjölmennt lið kom hingað til lands til að vinna að gerð þáttanna en auk þess taka um hundrað og fjörtíu Íslendingar þátt í verkefninu. Meðframleiðandi þáttanna sem staddur er hér á landi segir það koma til greina að koma aftur hingað til lands og taka meira upp ef gott gengi þáttanna helst.

Meðal þeirra sem eru staddir á landinu er Kit Harrington sem hefur verið kallaður næsti hjartaknúsari draumaborgarinnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×