Enski boltinn

Alsíringur orðaður við Liverpool

Eiríkur Stefán Ásgeirsson skrifar
Nordic Photos / AFP
Ryad Boudebouz, 21 árs miðvallarleikmaður frá Alsír, hefur verið sterklega orðaður við Liverpool í enskum fjölmiðlum.

Damien Comolli, yfirmaður knattspyrnumála hjá Liverpool, hefur fylgst náið með Boudebouz undanfarna mánuði og mun hafa reynt að klófesta hann í janúar síðastliðnum.

Boudebouz leikur með Sochaux í Frakklandi og munu viðræður á milli félaganna sagðar vera í fullum gangi. Hann skoraði átta mörk í 38 leikjum með Sochaux á síðastliðnu tímabili.

„Hlutirnir geta breyst fljótt í fótboltanum,“ sagði Boudebouz. „Það eina sem ég get sagt er að ég er ekki viss um að ég verði áfram hjá Sochaux.“






Fleiri fréttir

Sjá meira


×