Arsenal að semja við Sanogo

Framherjinn Yaya Sanogo er góðri leið með að semja við enska liðið Arsenal, að sögn knattspyrnustjórans Arsene Wenger.

Sanogo er 20 ára gamall og á mála hjá Auxerre. Hann skoraði níu mörk í ellefu leikjum fyrir félagið nú í vetur.

„Viðræður eru langt komnar en ekki búnar. Ég er mjög bjartsýnn. Hann er ungur og efnilegur framherji sem hefur mikla hæfileika,“ sagði Wenger á blaðamannafundi í dag.

Sanogo hefur spilað með yngri landsliðum Frakklands og kemur úr sömu knattspyrnuakademíu í París og Thierry Henry.