55 veikir og einn látinn eftir eitraðar tertur í Uppsölum

Á sjötta tug manna hafa fengið magapest eftir að hafa fengið sneið af tertum frá bakaríi í Uppsölum í Svíþjóð. 86 ára gamall maður lést eftir að hafa smakkað á tertu í erfidrykkju og sjö börn sem fengu afmælistertu í barnaafmæli hafa legið veik. Starfsmaður bakarísins bar caliciveiruna inn í bakaríið eftir að börn hans fengu pest.

Caliciveiran berst með lofti eða berst í mat með óhreinum höndum og getur valdið alvarlegum veikindum hjá börnum og eldra fólki og fólki sem er með skert ónæmiskerfi.