Innlent

Enginn ráðherra nema Geir á dýrari bíl en útvarpsstjóri

Mynd/ Stöð 2

Páll Magnússon útvarpsstjóri er á dýrari og flottari bíl en allir ráðherrar í ríkisstjórn Sjálfstæðisflokksins og Samfylkingarinnar fyrir utan Geir H. Haarde forsætisráðherra. Páll ekur um á glæsijeppanum Audi Q7 sem kostar rúmar níu milljónir. Mánaðarleg afborgun Ríkisútvarpsins af bílnum er 202 þúsund krónur. Geir Haarde ekur um á BMW 730 sem kostar nýr um 9,5 milljónir en hann er orðinn þriggja ára gamall.

Reglur um kaup ráðuneyta á bílum fyrir ráðherra eru nokkuð skýrar. Böðvar Jónsson, aðastoðarmaður fjármálaráðherra, sagði í samtali við Vísi að ráðuneytin fái hvert um sig fimm milljónir til bílakaupa en síðan sé þeim í sjálfvald sett hversu miklu í viðbót þau eyða af rekstrarfé ráðuneytisins í bíl fyrir ráðherra. Fyrir utan Geir er Guðlaugur Þór Þórðarson heilbrigðisráðherra á dýrasta bílnum en Lexus-bifreið hans kostar ný rétt tæpar átta milljónir.

Til samanburðar má geta þess að bankastjórar Seðlabankans fá að kaupa bifreið fyrir fimm milljónir. Davíð Oddsson fékk sér einmitt Subaru Tribeca B9 þegar hann tók við embætti en sá bíll kostaði þá rétt um 4,5 milljónir.

Ekkert þak virðist hins vegar vera á kostnaði við bílakaup útvarpsstjóra. Ómar Benediktsson, stjórnarformaður RÚV ohf., viðurkenndi í samtali við Vísi á dögunum að það væri álitamál hvort útvarpsstjóri ætti að aka um á jafn fínum bíl og raun ber vitni.

Geir H Haarde forsætisráðherra ekur um á BMW 730 sem kostar nýr um 9,5 milljónir.
Guðlaugur Þór Þórðarson heilbrigðisráðherra ekur um á Lexus 430h sem kostar 7,9 milljónir.
Ingibjörg Sólrún Gísladóttir utanríkisráðherra ekur um BMW X5 sem kostar nýr 7,5 milljónir.
Þórunn Sveinbjarnardóttir umhverfisráðherra ekur um á umhverfisvænum Lexus-jeppa sem kostar rétt um sjö milljónir.
Björgvin G. Sigurðsson viðskiptaráðherra ekur um á Benz-jeppa sem kostar 6,7 milljónir. Hann vill hins vegar gjarnan losna við hann.
Þorgerður Katrín Gunnarsdóttir menntamálaráðherra ekur um á Audi A6 sem kostar nýr 6,2 milljónir. Hennar bíll er hins vegar árgerð 2004 og kostar 4,5 milljónir, helmingi minna en bíll útvarpsstjóra.
Össur Skarphéðinsson iðnaðarráðherra geysist um á díselknúnum BMW X3 sem kostar tæplega 6,1 milljón.
Árni Mathiesen fjármálaráðherra fer ferða sinna í BMW 530 sem kostar rétt rúmlega 6 milljónir.
Einar Kr. Guðfinnsson, sjávarútvegs- og landbúnaðarráðherra, ekur um á Toyota Landcrusier sem kostar tæplega sex milljónir.
Kristján L. Möller samgönguráðherra keyrir á Toyota Landcruiser sem kostar um 5,9 milljónir.
Björn Bjarnason dóms- og kirkjumálaráðherra fer um bæinn í Benz frá árinu 2004 sem kostar nýr rétt rúmar 4,5 milljónir.
Davíð Oddsson Seðlabankastjóri fékk sér Subaru Tribeca sem kostar nú rétt um 5 milljónir króna.
Jóhanna Sigurðardóttir félagsmálaráðherra ekur um á ódýrasta ráðherrabílnum sem er Honda CRV. Hann kostar nýr rúmar 3,9 milljónir.Mynd/ Visir.is
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið