Innlent

Umhverfisráðherra vill selja losunarkvóta

Umhverfisráðherra vill að ríkið selji kolefnislosunarkvóta til iðnaðar í landinu. Fyrsta úthlutun losunarheimilda var tilkynnt í dag.

Úthlutunarnefnd losunarheimilda hafði 10,5 milljónir heimilda til ráðstöfunar - sem taka gildi um næstu áramót og eru til fimm ára. Níu fyrirtæki sóttu um - og fimm fengu þær heimildir sem þau sóttust eftir. Þau sem fengu voru Sementsverksmiðjan, járnblendifélagið, Alcan í Straumsvík, Norðurál Grundartanga og Alcoa Reyðarfirði.

Þau sem ekki fengu losunarheimildir voru Alcoa Bakka, Norðurál Helguvík, Alcan Þorlákshöfn og Tomahawk Developments sem áformar að reisa kísilmálmverksmiðju í Helguvík. Aðeins starfandi fyrirtæki fengu þannig losunarkvóta og enginn kvóti fékkst fyrir áætlaðar stækkanir fyrirtækjanna. Tæpum tveimur milljónum losunartonna var haldið eftir.

Fréttir Innlent
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið