Ásdís byrjuð að fagna

„Ég er viss um að þetta takist núna, það er engin leið að þær nái mér eftir þetta. Forskotið er það mikið," segir Ásdís Rán, sem trónir í efsta sæti í fyrirsætukeppninni Is She Hot? Ásdís bætir við að hún sé eiginlega byrjuð að fagna.

Keppnin gengur þannig fyrir sig að sú stúlka sem er í efsta sæti í kosningu á heimasíðu keppninnar um hver mánaðarmót vinnur sér inn þáttökurétt í áströlskum raunveruleikaþætti þar sem sigurlaunin eru milljón dollarar.

Ásdís hefur verið yfirleitt vermt efsta sæti listans frá því hún hóf þáttöku í keppninni, en missti sigurinn naumlega í hendur næstu konu á lista rétt áður en kosningu lauk um síðustu mánaðarmót. Hægt er að kjósa hana á heimasíðu keppninnar.