Innlent

Biskupstofa fékk ábendingu um kynferðisbrot séra Gunnars

Að sögn Steinunnar A. Björnsdóttur upplýsingafulltrúa Biskupstofu barst þeim umkvörtun um kynferðislegt áreiti við sóknarbarn af hálfu séra Gunnars Björnssonar fyrir skömmu síðan.

Séra Gunnar hefur sem kunnugt er verið kærður fyrir kynferðisafbrot gegn tveimur unglingsstúlkum á Selfossi þar sem hann var sóknarprestur.

"Ákveðið ferli fer í gang hér hjá okkur þegar svona kemur upp," segir Steinunn. "Við erum með sérstakt Fagráð um meðferð kynferðisbrota innan Þjóðkirkjunnar og þangað var málinu strax vísað."

Steinunn segir að fulltrúi frá fagráðinu hafi farið austur á Selfoss til að kanna málið. Að því loknu vísaði Fagráðið því til Barnaverndarnefndar sem svo aftur hafði samband við lögregluna.

"Aðeins annað þeirra mála sem nú er hjá lögreglu fór í gegnum okkur," segir Steinunn.

Upplýsingar um fagráðið má finna hér: www.kirkjan.is/kynferdisbrot

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið