Innlent

Ísbjörn við Bjarnarvötn? - mynd

Hinn meinti ísbjörn er fyrir miðri mynd.
Hinn meinti ísbjörn er fyrir miðri mynd. Mynd/Feykir

Sjónarvottarnir sem telja sig hafa séð ísbjörn við Bjarnarvötn í gær segjast vissir í sinni sök. Á fréttavefnum Skagafjörður.com er viðtal við fólkið en þau náðu mynd af kvikindinu áður en þau tóku til fótanna.

„Við vorum eitthvað búin að vera að grínast með það okkar á milli að við myndum rekast á ísbjörn," segir sjónarvotturinn í viðtalinu á síðunni.

Stækkuð mynd af "bangsa".
Þar kemur fram að fólkið hafi haft vara á sér eftir að þau sáu hvíta þúst í fjarska en þau smelltu meðfylgjandi mynd af fyrirbærinu. „Við vorum ekki viss en þegar við komum aðeins nær sáum við greinilega að um ísbjörn var að ræða. Þá var ekkert verið að stoppa neitt og taka fleiri myndir heldur tókum við til fótanna," segir sjónarvotturinn.

Leit hefur staðið yfir að dýrinu frá því í gærkvöldi án árangurs og er þyrla Landhelgisgæslunna á svæðinu.

Fréttina á Skagaförður.com má lesa hér.

Mest lesið


Fleiri fréttir

Sjá meira


×

Mest lesið