Innlent

Óskar var besti kosturinn í stöðunni

Sjálfstæðisflokkurinn og Framsóknarflokkurinn hafa náð samkomulagi um meiirhlutasamstarf í Reykjavíkurborg. Frá þessu var greint eftir fund Hönnu Birnu Kristjánsdóttur, oddvita sjálfstæðismanna, og Óskars Bergsson, borgarfulltrúa Framsóknarflokksins, í Ráðhúsinu í kvöld.

Þau hittust um hálf níu og komu svo um tíu og lásu upp yfirlýsingu og svöruðu spurningum fréttamanna. Þar kom fram að Hanna verður borgarstjóri og og Óskar formaður borgarráðs eins og Vísir greindi frá um hálftvöleytið í dag. Búið er að ná sátt um REI-málið svokallaða sem sprengdi fyrri meirihluta flokkanna en sú niðurstaða verður kynnt á fimmtudaginn, eftir að lyklaskipti í ráðhúsinu hafa gengið í gegn.

Hanna Birna las upp yfirlýsinguna þar sem kom fram að grundvöllur samstarfsins nú væri byggður á málefnasamningi sem flokkarnir gerðu eftir kosningarnar 2006 þó breyttar aðstæður í efnahagslífi muni hafa áhrif þar á.

Aukafundur hefur verið boðaður í borgarstjórn á fimmtudaginn í næstu viku þar sem skipað verður í nefndir og ráð og sátt flokkanna tveggja um REI verður kynnt fjölmiðlum.

Óskar Bergsson sagði síðustu daga hafa verið viðburðarríka. Hann sagði þau Hönnu Birnu hafa átt gott samstarf í gegnum tíðina og nefndi þar skipulagsráð sem þau stýrðu saman eftir kosningar 2006.

Þau voru spurð hversvegna borgarbúar ættu að trúa því að þessi meirihluti myndi halda út kjörtímabilið. Hann Birna sagði að hann myndi gera það þar sem þau þekktu hvort annað vel. Hún sagði þetta hafa verið einu leiðina í stöðunni og Óskar Bergsson hefði verið besti kosturinn úr því sem komið var.
















Tengdar fréttir

Fyrri ágreiningsmál flokkanna gerð upp

Óskar Bergsson sagði við blaðamenn nú rétt í þessu í Ráðhúsi Reykjavíkur að hann og Hanna Birna Kristjánsdóttir væru að hittast í fyrsta sinn í dag til þess að ræða væntanlegan meirihluta Sjálfstæðis- og Framsóknarflokks.

Meirihlutaslit staðreynd - Óskar formaður borgarráðs

Sjálfstæðisflokkurinn hefur ákveðið að segja skilið við Ólaf F. Magnússon í meirihlutasamstarfi í borginni og hyggst ganga til samstarfs við Óskar Bergsson, borgarfulltrúa Framsóknarflokksins. Þetta hefur Vísir eftir heimildarmönnum sínum.

Neitar þreifingum við sjálfstæðismenn

Óskar Bergsson, borgarfulltrúi Framsóknarflokksins neitaði því í morgun að þreifingar hefðu staðið yfir undanfarna daga á milli hans og sjálfstæðismanna um nýjan meirihluta í borginni.

Borgarstjórnin styrkist með innkomu Óskars

„Ég er sæll og glaður með þetta,“ segir Júlíus Vífill Ingvarsson borgarfulltrúi Sjálfstæðisflokksins þegar hann er spurður að því hvernig honum lítist á nýjan meirihluta sjálfstæðismanna og Framsóknar í borgarstjórn Reykjavíkur. „Við ætlum að styrkja borgarstjórnina og það gerum við með því að fá Framsóknarflokkinn og þennan afbragðsmann inn,“ segir Júlíus og á þar við Óskar Bergsson, borgarfulltrúa.

Jakob væntir tíðinda síðar í dag

„Borgarstjóri verður að útskýra það sjálfur,“ segir Jakob Frímann Magnússon, miðborgarstjóri og helsti ráðgjafi Ólafs F. Magnússonar, aðspurður hvers vegna Ólafur F. Magnússon mætti ekki á borgarráðsfund í morgun eins og venjan er. „Það skýrir sig væntanlega sjálft síðar í dag,“ bætti Jakob við.

Ólafur ætlaði aldrei að hætta

Jakob Frímann Magnússon, helsti ráðgjafi Ólafs F. Magnússonar í borgarmálum, sagði við blaðamenn niðri í Ráðhúsi Reykjavíkur fyrir stundu að allar fullyrðingar um að Ólafur hafi ætlað að segja af sér sem borgarfulltrúi og koma Margréti Sverrisdóttur að og þannig endurvekja Tjarnarkvartettinn, séu rangar.

Fundað beggja vegna Tjarnargötunnar

Minnihluti og meirihluti í borgarstjórn sitja nú á fundum hvor sínum megin við Tjarnargötuna til þess að fara yfir atburði undanfarinna.

Gunnar Smári afþakkar heiðurinn af falli meirihlutans

Gunnar Smári Egilsson segist ekki trúa því að hann sé svo áhrifaríkur að hann hafi stuðlað að falli meirihluta Ólafs F. Magnússonar og sjálfstæðismanna eins og ýjað hefur verið að.

Brot á samstarfssamningi semji Óskar við sjálfstæðismenn

Þorleifur Gunnlaugsson, borgarfulltrúi Vinstri - grænna, segir að Óskar Bergsson, borgarfulltrúi Framsóknarflokksins, hafi á fundi minnihlutans í morgun fullvissað samstarfsmenn sína um að hann ætti ekki í neinum viðræðum við sjálfstæðismenn um meirihlutasamstarf. Fundi borgarráðs í Ráðhúsinu er um það bil að ljúka.

Útlit fyrir nýjan meirihluta í borginni í dag

Líklegra þykir en ekki að Sjálfstæðisflokkurinn slíti meirihlutasamstarfi sínu við Ólaf F. Magnússon og F-listann í borgarstjórn og leiti samstarfs við Óskar Bergsson, borgarfulltrúa Framsóknarflokksins.

Hanna Birna: Of mörg ágreiningsmál við Ólaf

Hanna Birna Kristjánsdóttir, oddviti Sjálfstæðisflokksins í Reykjavík, segir að ágreiningsefnin við Ólaf F. Magnússon borgarstjóra hafi verið of mörg til þess að halda áfram samstarfi við hann. Hún tilgreindi hins vegar ekki hvaða mál það væru og sagði að þetta snerist ekki um persónu Ólafs.

Viðræður um meirihluta í Ráðhúsinu í kvöld

Óskar Bergsson, borgarfulltrúi Framsóknarflokksins, mun hitta Hönnu Birnu Kristjánsdóttur, oddvita Sjálfstæðisflokksins, í Ráðhúsinu nú klukkan átta þar sem rætt verður um meirihlutasamstarf Framsóknarflokksins og Sjálfstæðisflokknum.

Oddvitar meirihlutans ekki á borgarráðsfundi

Nú þegar kortér er síðan fundur borgarráðs átti að hefjast eru hvorki Ólafur F. Magnússon borgarstjóri né Hanna Birna Kristjánsdóttir, oddviti sjálfstæðismanna, mætt.

Raunhæfasta meirihlutasamstarfið

Samstarf Sjálfstæðisflokks og Framsóknarflokks er raunhæfasti kosturinn í borgarstjórnar Reykjavíkur, að mati Magnúsar Stefánssonar þingmanns Framsóknarflokksins.

Árni Þór ræddi við Ólaf um að víkja

Árni Þór Sigurðsson, þingmaður Vinstri grænna og fyrrum borgarfulltrúi, sagði við fjölmiðlamenn í Ráðhúsi Reykjavíkur fyrir stundu að hann hefði rætt við Ólaf F. Magnússon í morgun. Í þeim samtölum hafi komið fram að Ólafur hafi verið tilbúinn til þess að víkja fyrir Margréti Sverrisdóttur til þess að koma Tjarnarkvartetinum að.

Óskar tók sjálfstæðismenn fram yfir Tjarnarkvartettinn

Yfirlýsing lá fyrir um það í morgun að Ólafur F. Magnússon borgarstjóri segði af sér sem borgarfulltrúi og Margrét Sverrisdóttir kæmi inn til þess að mynda Tjarnarkvartettinn á ný. Óskar Bergsson hafði úrslitaáhrif í málinu og valdi að ganga til samstarfs við Sjálfstæðisflokkinn. Þetta segir Sóley Tómasdóttir, varaborgarfulltrúi Vinstri - grænna.

Óskar veit ekki hvort Marsibil styður nýja meirihlutann

Óskar Bergsson oddviti Framsóknarflokksins í borginni og væntanlegur formaður borgarráðs sagði eftir fund sinn með Hönnu Birnu að hann ætti eftir að klára að ræða við varamann sinn Marsibil Sæmundardóttur um tíðindin í borginni.

Telur Óskar hafa svikið samkomulag minnihluta

Dagur B. Eggertsson, borgarfulltrúi Samfylkingarinnar, telur að Óskar Bergsso-n, borgarfulltrúi Framsóknarflokksins, hafi svikið það samkomulag minnihlutans í borginni að taka ekki þátt í þeim vinnubrögðum sem sjálfstæðismenn viðhafi.

Starfsmenn þreyttir á tíðum meirihlutaskiptum

Garðar Hilmarsson, formaður Starfsmannafélags Reykjavíkur, segir starfsmenn borgarinnar orðna þreytta á tíðum meirihlutaskiptum í borginni og sumir hristi hreinlega hausinn yfir stöðunni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×