Innlent

Leikmönnum ÍBV hótað lífláti í tölvupósti frá Tyrklandi

Heimir Hallgrímsson er þjálfari ÍBV.
Heimir Hallgrímsson er þjálfari ÍBV.

Nokkrir menn tengdir ÍBV í Vestmannaeyjum eru enn að klóra sér í hausnum eftir tölvupóst sem þeim barst alla leið frá Tyrklandi fyrir helgina.

Tölvupósturinn er frá Mehemt Cýnar nokkrum. Mehemt er vægast sagt ósáttur við ÍBV og kennir félaginu um að hann hafi tapað 37 þúsund dollurum. Mehemt segist nefnilega hafa veðjað þeirri upphæð á að ÍBV mundi sigra KA í knattspyrnu í vikunni.

KA gerði sér hins vegar lítið fyrir og sigraði ÍBV í leiknum og Mehmet því rétt rúmum þremur milljónum íslenskra króna fátækari.

Mehmet gengur svo langt að hóta leikmönnum ÍBV lífláti í tölvupóstinum sem hann sendi á stjórnarmenn en enginn ástæða er að ætla að hann muni láta verða af hótunum sínum.

Eyjar.net fjölluðu um málið í morgun. Frétt þeirra um málið má sjá hér



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið