Erlent

Ákærður fyrir að misnota vikugamla dóttur

Atli Steinn Guðmundsson skrifar
Reginald Davis, 18 ára, er ákærður fyrir að misnota nýfætt barn sitt kynferðislega.
Reginald Davis, 18 ára, er ákærður fyrir að misnota nýfætt barn sitt kynferðislega. MYND/Lögreglan í Forrest City, Arkansas.

Átján ára gamall faðir í Forrest City í Arkansas er í haldi lögreglu og hefur verið ákærður fyrir kynferðislega misnotkun og ofbeldi gegn átta daga gamalli dóttur sinni. Barnið liggur nú á barnaspítalanum í Little Rock í Arkansas meðal annars með alvarlega höfuðáverka.

Rannsókn málsins stendur nú yfir en fyrir liggur að faðirinn veittist að barninu með ofbeldi þar sem hann var staddur í heimsókn hjá móðurinni sem er 15 ára gömul. Samkvæmt upplýsingum lögreglu var fleira fólk statt í húsinu þegar árásin átti sér stað en aðrir en faðirinn hafa þó ekki verið handteknir.

Maðurinn hefur engan sakaferil frá því hann náði sjálfræðisaldri sem miðast við 18 ár í Arkansas en samkvæmt lögum þar er ríkinu óheimilt að veita fjölmiðlum upplýsingar um sakaferil ólögráða einstaklinga. Sakborningurinn kemur fyrir rétt 17. september til að hlýða á ákæruna.

Eywitness News greindi frá.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið