Lögreglan segir að á fjórða þúsund manns sé samankominn á Austurvelli að mótmæla ástandinu. Að sögn sjónarvotta var aðsúgur gerður að lögreglunni auk þess sem eggjum rigndi yfir Alþingishúsið.
Einn mótmælandi sá sig knúinn til þess að flagga Bónusfánanum á Alþingishúsið en sá aðili var handtekinn.
Mótmælafundurinn er sá allra fjölmennasti en vikulegur mótmælafundur hefur verið á Austurvelli undanfarið.
