Innlent

Jónas fær 20,4 milljónir

Jón Sigurðsson, fráfarandi formaður stjórnar Fjármálaeftirlitsins, segist velta því fyrir sér að segja af sér í bankaráði Seðlabankans í kjölfar tíðinda dagsins. Stjórn Fjármálaeftirlitsins lét af störfum í dag eftir að hún gerði starfslokasamning við Jónas Fr. Jónsson, forstjóra eftirlitsins. Hann mun láta af störfum 1. mars og fær 20,4 milljónir á 12 mánaða uppsagnarfresti.

Stjórn Fjármálaeftirlitsins fundaði stíft í Fjármálaeftirlitinu í dag. Fundinum lauk klukkan fjögur en þar óskaði stjórnin eftir því að láta af störfum þegar í stað. Stjórnin gekk einnig frá starfslokum Jónasar Fr. Jónssonar forstjóra Fjármálaeftirlitsins. Mun hann hann láta af störfum þann 1. mars næstkomandi og á samkvæmt ráðningarsamningi 12 mánaða uppsagnarfrest. Eins og áður hefur komið fram í fjölmiðlum er Jónas með 1,7 milljón í mánaðarlaun. Hann fær því 20,4 milljónir krónur í laun á uppsagnarfresti sínum.

Jón Sigurðsson, fráfarandi formaður stjórnar Fjármálaeftirlitsins, segir að ákvörðun Björgvins hafi ekki komið honum á óvart en í henni felist ekki áfellisdómur yfir störfum stjórnarinnar.

Jón Sigurðsson
,,Ég er fullkomlega sáttur með mín störf og stjórnarinnar," segir Jón en bætir að það það hafi ekki verið langur tími. Jón var skipaður stjórnarformaður FME árið 2008.

Jón segir að brotthvarf hans úr stjórn Fjármálaeftirlitsins hafi áhrif á störf hans hjá Seðlabankanum. Hann íhugar að láta af störfum sem varaformaður bankaráðs.

Fréttastofa reyndi að ná tali af Jónasi Fr. Jónssyni í dag án árangurs. Hjá Fjármálaeftirlitinu fengust þær upplýsingar nú rétt fyrir fréttir að hann sæti á lokuðum fundi og ekki hægt að ná til hans.


Tengdar fréttir

Björgvin segir líklega af sér

Björgvin G. Sigurðsson viðskiptaráðherra hefur boðað til fréttamannafundur nú klukkan hálfellefu. Samkvæmt heimildum fréttastofu er líklegt að Björgvin tilkynni um afsögn sína sem ráðherra.

Björgvin boðar til blaðamannafundar

Björgvin G. Sigurðsson viðskiptaráðherra hefur boðað til fréttamannafundur nú klukkan hálfellefu og er búist við tíðindum sem tengjast framhaldi stjórnarsamstarfsins. Háværar raddir hafa verið allt frá bankahruninu í haust að Björgvin viki sem ráðherra bankamála og forystumenn Seðlabanka og Fjármálaeftirlitsins færu sömuleiðis. Líklegt þykir að einhver tíðindi af þessu tagi verði kynnt í dag.

Þiggur ekki biðlaun

Björgvin G. Sigurðsson hefur tilkynnt ráðuneytisstjóra viðskiptaráðuneytisins að hann afsali sér rétti til biðlauna ráðherra. Björgvin tilkynnti um afsögn sína sem viðskiptaráðherra á fundi með blaðamönnum áðan.

Björgvin, Jónas og stjórn FME láta af störfum

Björgvin G. Sigurðsson hefur sent Geir H. Haarde, forsætisráðherra, bréf þar sem hann biðst lausnar sem viðskiptaráðherra. Björgvin greindi frá þessu á fundi með blaðamönnum. Jafnframt tilkynnti hann að Jónas Fr. Jónsson, forstjóri Fjármálaeftirlitsins, og stjórn Fjármálaeftirlitsins láti af störfum.

Afsögn Björgvins kemur Ingibjörgu á óvart

Ingibjörg Sólrún Gísladóttir, formaður Samfylkingarinnar, segir að afsögn Björgvins G. Sigurðassonar sem viðskiptaráðherra hafi komið sér mjög á óvart. Hún segir að Björgvin hafi staðið sig vel sem viðskiptaráðherra. Formaðurinn segir jafnframt of snemmt að segja hver taki við viðskiptaráðuneytinu. Nánar verður rætt við Ingibjörgu í hádegisfréttum sem verður sjónvarpað beint.

Jónas hættir 1. mars

Stjórn Fjármálaeftirlitsins gekk í dag frá samkomulagi um starfslok Jónasar Fr. Jónssonar, forstjóra eftirlitsins, frá 1. mars.

Jón hættir líka í Seðlabankanum

Jón Sigurðsson gerir ráð fyrir að biðjast lausnar úr starfi sínu í stjórn Seðlabanka Íslands, en hann er varaformaður stjórnarinnar skipaður af Samfylkingunni. Fyrr í dag lét hann af störfum sem stjórnarformaður Fjármálaeftirlitsins. Frá þessu er greint á vefsíðu DV.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið