Innlent

Samkomulag um minnihlutastjórn

Samkvæmt samkomulaginu verður Ingibjörg Sólrún Gísladóttir forsætisráðherra.
Samkvæmt samkomulaginu verður Ingibjörg Sólrún Gísladóttir forsætisráðherra.

Náðst hefur samkomulag um að mynda minnihlutastjórn Samfylkingar og Vinstri grænna sem Framsóknarflokkurinn og Frjálslyndi flokkurinn munu verja vantrausti.

Samkvæmt heimildum fréttastofu felst í samkomulaginu að Ingibjörg Sólrún Gísladóttir verður forsætisráðherra og Steingrímur J. Sigfússon fjármálaráðherra. Embætti forseta Alþingis fellur svo í skaut Framsóknarflokksins og Guðjón Arnar Kristjánsson verður formaður sjávarútvegs- og landbúnaðarnefndar.

Þegar fréttastofa bar þetta undir Steingrím J. Sigfússon og Guðjón Arnar Kristjánsson neituðu þeir báðir. Ekki hefur náðst í Sigmund Davíð Gunnlaugsson, formann Framsóknarflokksins vegna málsins.

„Ég hef ekki talað við Ingibjörgu Sólrúnu frá því áður en hún fór til Svíþjóðar," sagði Steingrímur í samtali við fréttastofu. Heimildir fréttastofu herma hins vegar að það hafi verið Össur Skarphéðinsson og Lúðvík Bergvinsson sem hafi farið fyrir viðræðum af hálfu Samfylkingarinnar.

Þingflokkar Samfylkingar og Sjálfstæðisflokksins funda núna í Alþingishúsinu og búist er við því að málin skýrist að þeim loknum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið