Skúrkar í bílaviðskiptum

Undanfarin misseri hafa verið að birtast í blöðum auglýsingar þar sem boðist er til að borga með bílum gegn því að kaupandinn yfirtaki áhvílandi lán sem eru orðin eigandanum um megn.

Þetta hefur nú að einhverju leyti snúist við þannig að misindismenn hringja í eigendur dýrra bíla og bjóða þeim að yfirtaka bílinn gegn greiðslu upp á einhver hundruð þúsunda.

Ef eigandinn tekur þessu boði er skilmerkilega gengið frá öllum pappírum og eignarhald bílsins og áhvílandi lán flutt yfir á kaupandann.

Hann hirðir meðlagið með bílnum en borgar ekkert af honum, enda aldrei staðið til. Hann ekur hinsvegar glaður um á drossíunni þartil bankinn eða fjármögnunarfyrirtækið missir þolinmæðina og leysir bílinn til sín.

Bankarnir hafa auðvitað áttað sitt á þessu og sett mun strangari reglur en áður giltu. Sumir skúrkanna eru hinsvegar með eindæmum hugmyndaríkir og klárir í sínu fagi, og því sleppa alltaf einhverjir í gegnum netið.