Innlent

Stýrivaxtaákvörðunin vonbrigði

Steingrímur J. Sigfússon
Steingrímur J. Sigfússon

„Ég verð að segja að þetta kemur ekki á óvart en um leið eru þetta vonbrigði," segir Steingrímur J. Sigfússon fjármálaráðherra um ákvörðun Seðlabanka Íslands um að halda stýrivöxtum óbreyttum í 12 prósentum.

Steingrímur segir að ákveðnir hlutir hafi tafist þannig að gengisforsendur væru ekki jafn jákvæðar og menn vildu. Þá segir Steingrímur að hann hafi vonast til þess að Seðlabankinn lækkaði innlánsvexti og almenna vexti áfram niður en það hafi bankinn ekki gert.

„Ég vonast til þess að ef aðstæður skapist þá geti Seðlabankinn skotið auka stýrirvaxtadegi inn í en það er auðvitað í höndum bankans sjálfs," segir Steingrímur sem vonast til þess að þurfa ekki að bíða þar til í nóvember en þá er næsti stýrivaxtadagur. Steingrímur er því bjartsýnn á að forsendur breytist til hins betra bráðlega.

Þegar standa yfir viðræður við aðila vinnumarkaðarins vegna stöðugleikasáttmálans en áður hefur verið sagt að forsenda þess að stöðugleiki náist sé að Seðlabankinn lækki stýrivexti niður í eins stafs tölu.

Spurður hvort ákvörðun bankans setji þær viðræður í uppnám svarar Steingrímur: „Það er enn einn mánuður til stefnu."


Tengdar fréttir

Óbreyttir stýrivextir hjá Seðlabankanum

Peningastefnunefnd Seðlabanka Íslands hefur ákveðið að vextir lána gegn veði verði áfram 12% og vextir á viðskiptareikningum innlánsstofnana verði áfram 9,5%, en að daglánavextir lækki úr 16% í 14,5%.

Þrýstingur á Seðlabankann

„Það standa öll spjót á Seðlabankanum. En ég á ekki von á öðru en að tekin verði skynsamleg ákvörðun í þessu máli,“ segir Gylfi Arnbjörnsson, framkvæmdastjóri Alþýðusambands Íslands (ASÍ). Forystumenn ASÍ og Samtaka atvinnulífsins (SA) funduðu með fulltrúum ríkisstjórnarinnar í ráðherrabústaðnum í gær. Vaxtaákvörðunardagur Seðlabankans er í dag.

Seðlabankinn herðir snöruna

Jón Steindór Valdimarsson, framkvæmdastjóri Samtaka iðnaðarins, segist hættur að skilja vaxtastefnu Seðlabanka Íslands. Peningastefnunefnd bankans hefur ákveðið að halda stýrivöxtum bankans óbreyttum en þeir eru 12%. „Við erum búin að segja mánuðum saman að það sé ekki hægt að búa við þetta vaxtastig. Með þessu er snaran hert hægt að rólega að fyrirtækjum og heimilum í landinu.“

Seðlabankinn framlengir kreppuna

„Ég lít svo á að Seðlabankinn sé að ögra aðilum stöðuleikasáttmálans með þessari ákvörðun,“ segir Vilhjálmur Egilsson, framkvæmdastjóri Samtaka atvinnulífsins um ákvörðun peningastefnunefndar Seðlabanka Íslands að halda stýrivöxtum óbreyttum. Hann segir að með ákvörðun sinni sé bankinn að framlengja kreppuna.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið