Íslendingur vann 107 milljónir í Víkingalottóinu

Tveir heppnir Víkingalottóspilarar skiptu með sér tvöföldum potti kvöldsins og fékk hvor um sig rúmar 107 milljón krónur. Annar miðinn var seldur í Noregi og hinn hér á landi. Miðinn sem seldur var hér á Íslandi var seldur í Videómarkaðnum Hamraborg.

Á vef Íslenskrar getspár kemur fram að þetta sé í 15. skipti sem fyrsti vinningur í Víkingalottóinu renni til Íslands en þetta er jafnframt stærsti vinningurinn til þessa.

Vinningsmiðinn er 10 raða sjálfvalsmiði og var seldur í dag.