Barnið krufið í fyrramálið - atburðarásin farin að skýrast

Tuttugu og eins árs gömul litháísk kona var í dag úrskurðuð í tveggja vikna gæsluvarðhald vegna. Hún er grunuð um að hafa komið nýfæddu barni sínu fyrir í ruslagámi þar sem það fannst látið um miðjan dag í gær.

Konan verður einnig sett í geðrannsókn. Fyrrverandi kærasti hennar, sem handtekinn var í gær, var hins vegar látinn laus seinni partinn í dag.

Atbuðarásin sem leiddi til þessa hömulega atviks er nú tekin að skýrast.

Konan mætti til vinnu sinnar á Hótel Fróni, þar sem hún er herbergisþerna, í gærmorgun klukkan átta.

Hún sinnti venjubundnum störfum, ásamt samstarfsfélögum sínum, þangað til klukkan fór að ganga tíu, en þá tóku herbergisþernurnar sér kaffihlé.

Konan afsakaði sig hins vegar og fór afsíðis.

Fimmtán mínútum síðar kom hún fram, kvartaði undan tíðarverkjum, og hringdi í fyrrverandi kærasta sinn, sem er líka frá Litháen, en þau hættu nýlega að búa saman.

Samstarfsfélagarnir tóku ekki eftir neinu óeðlilegu.

Kærastinn kom og sótti konuna en ók henni skömmu síðar á spítala þar sem að hún var hún með blæðingar og kviðverki. Við skoðun urðu læknar þess fljótlega fullvissir að konan hefði fætt barn þá skömmu áður eða á síðasta sólarhring.

Lögreglan var þá látin vita.

Enginn, hvorki vinir konunnar né aðstandendur, virðast hafa vitað að hún hafi verið með barni. Ekki hafi það heldur sést á henni.

Nú er talið konan hafi fætt barnið inni á einu hótelherberginu um morgunin á meðan samstarfsfélagar hennar tóku sér kaffipásu. Því herbergi hefur nú verið lokað af lögreglu á meðan það er til rannsóknar.

Barnið mun hafa fæðst lifandi, það verður krufið í fyrramálið og þá kemur í ljós hvort það hafi enn verið á lífi þegar því var komið fyrir í ruslageymslunni fyrir utan hótelið þar sem það fannst látið nokkrum klukkustundum síðar.

Samstarfsfélagar konunnar segja að hún hafi verið dugleg og brosmild, hún var búinn að vinna á hótelinu í fjóra mánuði. Starfsfólkinu þar var á starfsmannafundi í dag boðin áfallahjálp.

Margir er slegnir vegna málsins og var blómum meðal annars komið fyrir utan hótelið í dag

Á kortinu er orðsending til barnsins sem fannst látið.

„Þú áttir betra skilið", stendur þar, „hvíl í friði".