Blackburn búið að bjóða í Ronaldinho

Blackburn Rovers staðfesti í kvöld að félagið væri búið að gera tilboð í Brasilíumanninn Ronaldinho hjá AC Milan.

Blackburn neitaði þessum fréttum fyrr í dag en hefur nú staðfest að það vilji fá leikmanninn.

Enska úrvalsdeildarliðið er ekki eina félagið sem vill fá Brassann því Gremio í heimalandi hans virtist vera búið að landa honum.

Fregnir herma aftur á móti að hinir nýju eigendur Blackburn séu til í að greiða góðan pening fyrir leikmanninn og því gæti hann hæglega endað á Englandi.