Bretar vilja einna síst verja sumarfríi sínu á Íslandi

3. ágúst 2010 07:16

Óvenjuhátt hlutfall Breta mun eyða sumarfríi sínu á heimaslóðum í ár. Ísland er meðal þeirra landa sem Breta vilja síst heimsækja í sumarfríi sínu.

Samkvæmt nýrri könnun sem greint er frá í blaðinu Guardian ætla um þriðjungur Breta að eyða sumarfríi sínu innanlands. Ástæður þessa eru einkum hinn mikli efnahagslegi óstöðugleki í löndunum í suðurhluta Evrópu, hættan á að frekari eldgos á Íslandi muni trufla flugumferð að nýju og hættan á truflunum vegna verkfalla hjá flugfélögum og þá einum British Airways.

Í könnuninni var spurt í hvaða landi viðkomandi vildi síst eyða sumarfríi sínu og varð Ísland í öðru sæti á þeim lista en Grikkland er í efsta sætinu. Um 13% aðspurða vildu ekki ferðast til Grikklands í ár og um 9% vildu ekki ferðast til Íslands. Næstu lönd sem ekki eru áfangastaðir breskra ferðamanna í ár eru Tyrkland, Rússland og Rúmenía.

Hvað Grikkland og Ísland varðar sögðust Bretar ekki vilja eyða sumarfríi sínu þar m.a. sökum óstöðugleikans í efnahagsmálum þessara landa.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.