Carroll í banastuði á Glastonbury

Fjölmargar stórstjörnur fjölmenntu á Glastonbury-tónlistarhátíðina. Þar af voru nokkrar af skærustu stjörnum enska boltans.

Wayne Rooney lét sjá sig en fékk lítinn frið fyrir drukknum hátíðargestum. Hann lenti í ryskingum í það minnsta þrisvar sinnum á hátíðinni en allt fór vel að lokum.

Andy Carroll, framherji Liverpool, var einnig í banastuði á hátíðinni. Klæðnaður hans vakti óskipta athygli enda af frumlegri gerðinni.

Engum sögum fer af því hverju Carroll er að skvetta í sig á myndinni en eins og flestum er eflaust í fersku minni var landsliðsþjálfari Englendinga, Fabio Capello, búinn að biðja framherjann um að minnka bjórdrykkjuna hjá sér.