Ef ég væri biskup Óskar Hafsteinn Óskarsson skrifar 11. janúar 2012 06:00 Ef ég væri ríkur,“ söng Tevje mjólkurpóstur. Um þessar mundir ganga margir með biskupinn í maganum. Ég er ekki frá því nema ég finni fyrir breytingu eða kannski eru það bara leifar af jólaátinu. Staðan er óljós en skýrist trúlega á næstu vikum, þ.e. hvort meðganga er hafin eða hvort megrunar gerist þörf. Fyrsti þröskuldurinn er aldurinn því í kirkjunni er maður ekki kominn í fullorðinna manna tölu fyrr en í kringum fimmtugt, helst fimmtíu plús. Að hafa síðan hvorki gefið út bók né heldur geta státað af því að vera af biskupsættum er ekki vænlegt veganesti. Ekkiseta á Kirkjuþingi og þátttökuleysi í þotuliði þjóðkirkjunnar mun síst duga til árangurs. Hljótt er um áskoranir og hvatningarsímtöl eru fá (engin). Þar með er framboðið eitt eftir og er þá þegar orðið talsvert umfangsmeira en eftirspurnin. Öllum er þó frjálst að láta sig dreyma og syngja, líkt og Tevje gerði forðum, en þó ekki um ríkidæmi eins og hann heldur um biskupsdæmi. Ef ég væri biskup. Da ra, rí ra ra ra, ri ra ra ra, rí ra ra ra ramm. Ef ég væri di ri ri ri ramm, …ég mundi da ra ri ri ri ramm: Öflugt starfsfólk og góð tengsl…byrja á því að velja mér gott teymi til að vinna með. Í því mundi vera skapandi fólk með ólíka reynslu og bakgrunn en eiga það sameiginlegt að þykja vænt um kirkjuna og vera annt um framtíð hennar. Biskup er leiðtogi og verður að eiga sér gott bakland. …ráða öflugt fólk í störf biskupsritara, starfsmannastjóra og fjölmiðlafulltrúa. Verandi karl væri nauðsynlegt að a.m.k tvö af þessum þremur störfum væru skipuð konum. Með því að ráða starfsmannastjóra væri hægt að tryggja góða yfirsýn og gott utanumhald á öllu því góða fólki sem starfar í kirkjunni. Kirkjan á að vera til fyrirmyndar þegar kemur að ráðningum og því að hlúa að starfsfólki sínu. Gríðarlega þýðingarmikið er að ráða fjölmiðlafulltrúa í fullt starf í þjónustu kirkjunnar og þar skiptir máli að viðkomandi hafi víðtæka reynslu og þekkingu á fjölmiðlum. …skapa mér þannig starfsumhverfi að ég geti verið í góðu sambandi við fólk vítt og breitt um landið. Hér reynir á skipulag og gott samstarfsfólk. Nauðsynleg forsenda uppbyggingar og mögulegra breytinga er að hlusta á fólkið sem ber uppi starfið í söfnuðunum – og taka mark á því. Til að þetta sé mögulegt þarf að stokka upp skipulag á Biskupsstofu og tryggja að framkvæmdasýsla geti sem mest verið á annarra höndum en biskupsins. Opinn, hlustandi og leitandi…gera mér far um að endurnýja heit kirkjunnar við þjóðina, með því m.a. að efla samræðurnar um gildin sem við viljum lifa eftir. Réttlæti, umhyggja, heiðarleiki og traust. Þetta eru bara orð en ef orðin fá rödd og hjörtu sem slá þá fara góðir hlutir að gerast. Biskup þarf að tala skýrri röddu þegar kemur að viðfangsefnum sem snúa að jafnrétti og félagslegu réttlæti. Um leið þarf hann að vera óspar á hrós og tala bjartsýni inn í vonleysi og oft á tíðum niðurdrepandi umræðu hversdagsins. Meistarinn frá Nasaret er fyrirmynd í þessu eins og svo mörgu og erindi kirkjunnar er ekki leiðindi heldur fagnaðarerindi. …vera sem oftast í góðu skapi og vanda mig í samskiptum við fólk. Leiðarvísir: Nærgætni, virðing og skilningur. Og muna að mistök eru til að læra af þeim. …vera opinn, hlustandi og leitandi. Biðja fyrir, uppörva, hlúa að, hvetja og styðja fólk til góðra verka. …taka þátt í að byggja upp öfluga kirkju sem þjónar fólki um allt land. Og stuðla að enn frekari þátttöku fólks í starfinu og eins þegar kemur að ákvörðunartöku á vettvangi kirkjunnar. Þar á meðal á Kirkjuþingi sem fer með æðsta vald í málefnum þjóðkirkjunnar. Lillablái liturinn…hvetja til gagnrýninnar og opinnar umræðu um kirkju og kristni í landinu. Vinna undir því markmiði að kirkjan sé fyrirmyndarhreyfing þegar kemur að jafnrétti, lýðræði og vönduðum vinnubrögðum. …fagna fjölbreytileikanum í samfélagi okkar og stuðla að samræðum á milli ólíkra lífsskoðana og trúarbragða. …gæta þess að vera einlægur og ekta og segja alltaf satt. Hver segir að biskupsaldurinn sé 50+? Tæplega fertugur biskup væri tákn nýrra tíma í kirkjunni. Óléttu biskupsefnin bíða við þröskuldinn og verður spennandi að sjá. Sjálfur ætla ég í megrun. Annars held ég reyndar að lillablái liturinn mundi fara mér óskaplega vel…já, ef ég væri biskup. Da ra, rí ra ra ra, ri ra ra ra, rí ra ra ra ramm! Gleðilegt nýtt biskupsár! Viltu birta grein á Vísi? Sendu okkur póst. Senda grein Mest lesið Halldór 31.08.2024 Halldór Áfengið innan seilingar Helgi Héðinsson Skoðun Seðlabanki Íslands virðist lifa í hliðarveruleika við fólkið í landinu! Fjóla Einarsdóttir Skoðun Hvítþvottur veðmálastarfseminnar Sigurður Kjartansson Skoðun Fær prik fyrir hreinskilnina Hjörtur J. Guðmundsson Skoðun Getum við sparað saman? Ágúst Bjarni Garðarsson Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Er krónan Ponzi-svikamylla? Guðmundur Ragnarsson Skoðun Friðarsúlan skín skærar Skúli Helgason Skoðun Alþingi fyrir sérhagsmuni? Gunnar Hólmsteinn Ársælsson Skoðun Skoðun Skoðun Framsóknarflokkurinn tryggir heilbrigðisþjónustu í Suðurnesjabæ Anton Kristinn Guðmundsson skrifar Skoðun Að fá að sjá í það áður ósýnilega Matthildur Björnsdóttir skrifar Skoðun Alþingi fyrir sérhagsmuni? Gunnar Hólmsteinn Ársælsson skrifar Skoðun Friðarsúlan skín skærar Skúli Helgason skrifar Skoðun Fær prik fyrir hreinskilnina Hjörtur J. Guðmundsson skrifar Skoðun Getum við sparað saman? Ágúst Bjarni Garðarsson skrifar Skoðun Hvítþvottur veðmálastarfseminnar Sigurður Kjartansson skrifar Skoðun Áfengið innan seilingar Helgi Héðinsson skrifar Skoðun Seðlabanki Íslands virðist lifa í hliðarveruleika við fólkið í landinu! Fjóla Einarsdóttir skrifar Skoðun Vertu gagnrýnin, greinandi og skapandi Martha Árnadóttir skrifar Skoðun Má búa í húsum? Baldur Karl Magnússon skrifar Skoðun Fáheyrð umræða komin á yfirborðið Berglind Ósk Guðmundsdóttir skrifar Skoðun Er krónan Ponzi-svikamylla? Guðmundur Ragnarsson skrifar Skoðun Hvað má mangó kosta? Hólmfríður Drífa Jónsdóttir,Hrönn G. Guðmundsdóttir,Ragnhildur Hólmgeirsdóttir skrifar Skoðun Áratugur í borginni Alexandra Briem skrifar Skoðun Um fjöldamorð og Íslamófóbíu Sverrir Agnarsson skrifar Skoðun Gott að eldast á Vestfjörðum Alberta Gullveig Guðbjartsdóttir skrifar Skoðun Nú árið er liðið í aldanna skaut Sigurður Páll Jónsson skrifar Skoðun Frá rafmynt til gervigreindar Valur Ægisson skrifar Skoðun Aðstoð eftir afplánun hjálpar fyrrverandi föngum að fóta sig á ný Jakob Smári Magnússon skrifar Skoðun Made in Germany Guðjón Hreinn Hauksson skrifar Skoðun Þjálfun varnarviðbragða er dauðans alvara Þórdís Kolbrún Reykfjörð Gylfadóttir skrifar Skoðun Hnignun menntakerfisins og rétturinn til að fullnýta hæfileika sína Svana Helen Björnsdóttir skrifar Skoðun Er Kópavogsmódelið bakslag í jafnréttisbaráttunni? Ásdís Kristjánsdóttir skrifar Skoðun Sannleikurinn um Evrópsambandið II – 10 ríki bíða milli vonar og ótta eftir því að fá inngönu – 1 hefur beðið í 37 ár Ole Anton Bieltvedt skrifar Skoðun Lýðheilsuhugsjónin Willum Þór Þórsson skrifar Skoðun Ó, $ vors lands Árni Björnsson skrifar Skoðun Staða barnafólks á Íslandi Steindór Örn Gunnarsson,Agla Arnars Katrínardóttir,Agnes Lóa Gunnarsdóttir,Árni Dagur Andrésson,Hildur Agla Ottadóttir,Kári Freyr Kane,Oddur Sigþór Hilmarsson skrifar Skoðun Hinn sorglegi sjálfsflótti Matthildur Björnsdóttir skrifar Skoðun Vegnir, metnir og léttvægir fundir Hjálmar Jónsson skrifar Sjá meira
Ef ég væri ríkur,“ söng Tevje mjólkurpóstur. Um þessar mundir ganga margir með biskupinn í maganum. Ég er ekki frá því nema ég finni fyrir breytingu eða kannski eru það bara leifar af jólaátinu. Staðan er óljós en skýrist trúlega á næstu vikum, þ.e. hvort meðganga er hafin eða hvort megrunar gerist þörf. Fyrsti þröskuldurinn er aldurinn því í kirkjunni er maður ekki kominn í fullorðinna manna tölu fyrr en í kringum fimmtugt, helst fimmtíu plús. Að hafa síðan hvorki gefið út bók né heldur geta státað af því að vera af biskupsættum er ekki vænlegt veganesti. Ekkiseta á Kirkjuþingi og þátttökuleysi í þotuliði þjóðkirkjunnar mun síst duga til árangurs. Hljótt er um áskoranir og hvatningarsímtöl eru fá (engin). Þar með er framboðið eitt eftir og er þá þegar orðið talsvert umfangsmeira en eftirspurnin. Öllum er þó frjálst að láta sig dreyma og syngja, líkt og Tevje gerði forðum, en þó ekki um ríkidæmi eins og hann heldur um biskupsdæmi. Ef ég væri biskup. Da ra, rí ra ra ra, ri ra ra ra, rí ra ra ra ramm. Ef ég væri di ri ri ri ramm, …ég mundi da ra ri ri ri ramm: Öflugt starfsfólk og góð tengsl…byrja á því að velja mér gott teymi til að vinna með. Í því mundi vera skapandi fólk með ólíka reynslu og bakgrunn en eiga það sameiginlegt að þykja vænt um kirkjuna og vera annt um framtíð hennar. Biskup er leiðtogi og verður að eiga sér gott bakland. …ráða öflugt fólk í störf biskupsritara, starfsmannastjóra og fjölmiðlafulltrúa. Verandi karl væri nauðsynlegt að a.m.k tvö af þessum þremur störfum væru skipuð konum. Með því að ráða starfsmannastjóra væri hægt að tryggja góða yfirsýn og gott utanumhald á öllu því góða fólki sem starfar í kirkjunni. Kirkjan á að vera til fyrirmyndar þegar kemur að ráðningum og því að hlúa að starfsfólki sínu. Gríðarlega þýðingarmikið er að ráða fjölmiðlafulltrúa í fullt starf í þjónustu kirkjunnar og þar skiptir máli að viðkomandi hafi víðtæka reynslu og þekkingu á fjölmiðlum. …skapa mér þannig starfsumhverfi að ég geti verið í góðu sambandi við fólk vítt og breitt um landið. Hér reynir á skipulag og gott samstarfsfólk. Nauðsynleg forsenda uppbyggingar og mögulegra breytinga er að hlusta á fólkið sem ber uppi starfið í söfnuðunum – og taka mark á því. Til að þetta sé mögulegt þarf að stokka upp skipulag á Biskupsstofu og tryggja að framkvæmdasýsla geti sem mest verið á annarra höndum en biskupsins. Opinn, hlustandi og leitandi…gera mér far um að endurnýja heit kirkjunnar við þjóðina, með því m.a. að efla samræðurnar um gildin sem við viljum lifa eftir. Réttlæti, umhyggja, heiðarleiki og traust. Þetta eru bara orð en ef orðin fá rödd og hjörtu sem slá þá fara góðir hlutir að gerast. Biskup þarf að tala skýrri röddu þegar kemur að viðfangsefnum sem snúa að jafnrétti og félagslegu réttlæti. Um leið þarf hann að vera óspar á hrós og tala bjartsýni inn í vonleysi og oft á tíðum niðurdrepandi umræðu hversdagsins. Meistarinn frá Nasaret er fyrirmynd í þessu eins og svo mörgu og erindi kirkjunnar er ekki leiðindi heldur fagnaðarerindi. …vera sem oftast í góðu skapi og vanda mig í samskiptum við fólk. Leiðarvísir: Nærgætni, virðing og skilningur. Og muna að mistök eru til að læra af þeim. …vera opinn, hlustandi og leitandi. Biðja fyrir, uppörva, hlúa að, hvetja og styðja fólk til góðra verka. …taka þátt í að byggja upp öfluga kirkju sem þjónar fólki um allt land. Og stuðla að enn frekari þátttöku fólks í starfinu og eins þegar kemur að ákvörðunartöku á vettvangi kirkjunnar. Þar á meðal á Kirkjuþingi sem fer með æðsta vald í málefnum þjóðkirkjunnar. Lillablái liturinn…hvetja til gagnrýninnar og opinnar umræðu um kirkju og kristni í landinu. Vinna undir því markmiði að kirkjan sé fyrirmyndarhreyfing þegar kemur að jafnrétti, lýðræði og vönduðum vinnubrögðum. …fagna fjölbreytileikanum í samfélagi okkar og stuðla að samræðum á milli ólíkra lífsskoðana og trúarbragða. …gæta þess að vera einlægur og ekta og segja alltaf satt. Hver segir að biskupsaldurinn sé 50+? Tæplega fertugur biskup væri tákn nýrra tíma í kirkjunni. Óléttu biskupsefnin bíða við þröskuldinn og verður spennandi að sjá. Sjálfur ætla ég í megrun. Annars held ég reyndar að lillablái liturinn mundi fara mér óskaplega vel…já, ef ég væri biskup. Da ra, rí ra ra ra, ri ra ra ra, rí ra ra ra ramm! Gleðilegt nýtt biskupsár!
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Skoðun Framsóknarflokkurinn tryggir heilbrigðisþjónustu í Suðurnesjabæ Anton Kristinn Guðmundsson skrifar
Skoðun Seðlabanki Íslands virðist lifa í hliðarveruleika við fólkið í landinu! Fjóla Einarsdóttir skrifar
Skoðun Hvað má mangó kosta? Hólmfríður Drífa Jónsdóttir,Hrönn G. Guðmundsdóttir,Ragnhildur Hólmgeirsdóttir skrifar
Skoðun Aðstoð eftir afplánun hjálpar fyrrverandi föngum að fóta sig á ný Jakob Smári Magnússon skrifar
Skoðun Hnignun menntakerfisins og rétturinn til að fullnýta hæfileika sína Svana Helen Björnsdóttir skrifar
Skoðun Sannleikurinn um Evrópsambandið II – 10 ríki bíða milli vonar og ótta eftir því að fá inngönu – 1 hefur beðið í 37 ár Ole Anton Bieltvedt skrifar
Skoðun Staða barnafólks á Íslandi Steindór Örn Gunnarsson,Agla Arnars Katrínardóttir,Agnes Lóa Gunnarsdóttir,Árni Dagur Andrésson,Hildur Agla Ottadóttir,Kári Freyr Kane,Oddur Sigþór Hilmarsson skrifar
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun