Flestir vilja Ólaf áfram - Ragna fylgir fast á eftir

Ólafur Ragnar Grímsson forseti hlaut flest atkvæði í könnun sem Vísir gerði á meðal lesenda sinna um hver eigi að verða næsti forseti íslenska lýðveldisins. Um fimm þúsund manns tóku þátt í könnuninni sem stóð yfir í tæpan sólarhring og gátu lesendur valið á milli 25 einstaklinga sem oft hafa verið nefndir sem mögulegir frambjóðendur.

Ólafur Ragnar hlaut 22 prósent atkvæða en fast á hæla hans kom Ragna Árnadóttir, skrifstofustjóri Landsvirkjunar og fyrrverandi dómsmálaráðherra. Í þriðja sæti kom Davíð Oddsson, fyrrverandi forsætisráðherra og í því fjórða hafnaði poppstjarnan Páll Óskar Hjálmtýsson.

Niðurstöðurnar voru á þessa leið:

1. Ólafur Ragnar Grímsson
2. Ragna Árnadóttir
3. Davíð Oddsson
4. Páll Óskar Hjálmtýsson
5. Jón Gnarr
6. Salvör Nordal
7. Páll Skúlason
8. Þorsteinn Pálsson
9. Dorrit Moussaieff
10. Andri Snær Magnason
11. Bergþór Pálsson
12. Kristín Ingólfsdóttir
13. Jón Baldvin Hannibalsson
14. Þorvaldur Gylfason
15. Ólafur Jóhann Ólafsson
16. Elín Hirst
17. Herdís Þorgeirsdóttir
18. Björk Guðmundsdóttir
19. Jakob Frímann Magnússon
20. Linda Pétursdóttir
21. Gerður Kristný Guðjónsdóttir
22. Sigríður Dúna Kristmundsdóttir
23. Guðmundur Andri Thorsson
24. Tryggvi Gunnarsson
25. Ágúst Einarsson