Flúðu skelfingu lostnar frá Cancun Jakob Bjarnar skrifar 12. febrúar 2016 07:00 Frí skemmtireisa til Cancun breyttist í martraðarkennda skelfingu, þegar konurnar voru orðnar sannfærðar um að nota ætti þær sem burðardýr. Vísir Íslensk kona er nú í gæsluvarðhaldi í Kanada. Hún er grunuð um aðild að umfangsmiklu fíkniefnamáli sem teygir anga sína til Mexíkó og Kanada. Málið var til rannsóknar íslensku lögreglunnar í samvinnu við þá kanadísku en er rannsóknin nú á forræði kanadísku lögreglunnar. Þetta staðfestir Friðrik Smári Björgvinsson yfirlögregluþjónn. Málið allt hefur yfir sér reyfarakenndan blæ en samkvæmt heimildum Vísis var fyrst gerð tilraun til að fá þrjár íslenskar konur til að gerast burðardýr, án þess þó að þær ættu að fá að vita það. Þetta var í nóvember á síðasta ári. Þessar konur hafa verið yfirheyrðar af lögreglu vegna aðkomu sinnar.Boð sem ekki var hægt að hafna Sú kona sem nú situr í gæsluvarðhaldi í Kanada sagði konunum þremur, sem hún þekkti misvel, að hún hefði unnið fjóra miða til Cancun í Mexíkó í einhverjum óræðum vinkonuleik. Hana vantaði félaga og bauð þeim með sér í ferðina. Allt greitt í topp.Skemmtun á ströndinni, en fljótlega tók gamanið að kárna.Konurnar gátu ómögulega slegið hendinni á móti svo góðu boði. Smátt og smátt tók þær þó að gruna að ekki væri allt með felldu. Til dæmis afhenti konan þeim, hverri um sig, golfsett úti á Leifsstöð og sagði að þær ættu að spila golf úti í Cancun. Þetta væri innifalið. Enginn þeirra spilar golf en þær leiddu ekki hugann að því frekar. Þær voru jákvæðar, að fara í langþráð frí og það sem meira var; sér að kostnaðarlausu. Þær hleyptu því engum grunsemdum að, ekki þá.Fór að renna á þær tvær grímurKonurnar vildu ekki koma fram undir nafni þegar Vísir fór þess á leit. En, flogið var frá Keflavík til Cancun með millilendingu í Toronto í Kanada. Allt gekk vel í fyrstu en smátt og smátt fór konurnar að gruna að ekki væri allt með felldu. Til dæmis var golfsettinu í fyrstu komið fyrir í afgreiðslu hótelsins í Cancun og svo voru þau komin í hendur íslensks manns sem er búsettur í Mexíkó, hvar hann er giftur mexíkóskri konu.Íslensk kona er nú í gæsluvarðhaldi í Kanada grunuð um að hafa ætlað að smygla fíkniefnum til Íslands.Og þegar þær vinkonur fóru að ganga á konuna sem bauð þeim, með það í hvaða happadrætti hún hefði unnið miðana, þá mundi hún það ekki. Þegar þarna var komið sögu voru konurnar orðnar sannfærðar um að maðkur væri í mysunni. Þær voru reyndar orðnar skelfingu lostnar, mjög „paranoid“ og töldu að mexíkóska mafían væri að fylgjast með sér. Og myndi jafnvel nálgast þær og setja þeim stólinn fyrir dyrnar.Flúðu til ÍslandsÞeim tókst, með aðstoð að heiman, að fá fluginu til Íslands flýtt og hröðuðu sér frá Cancun eftir fimm daga dvöl. Ein þeirra hljóp frá öllum sínum farangri og fór eins og hún var klædd, því þær óttuðust mjög að búið væri að koma fíkniefnum fyrir í klæðum þeirra og töskum. Versta grun sinn fengu þær svo staðfestan þegar þær voru kallaðar til yfirheyrslu hjá lögreglunni. Sú sem stóð fyrir ferðinni fór með þeim til Kanada, en þar stungu þær vinkonu sína af og komust í flug heim til Íslands. Konan, sem nú er í haldi úti í Kanada, kom til Íslands í kjölfarið, en fór svo aftur út og var þá gripin með fíkniefni, einkum kókaín samkvæmt heimildum Vísis. Friðrik Smári vildi ekki segja til um hversu mikið, rannsókn málsins væri nú alfarið á forræði kanadísku lögreglunnar.Uppfært klukkan 11:10Í fyrstu útgáfu þessarar fréttar kom fram að konan, sem nú situr í gæsluvarðhaldi í Kanada, hefði verið gripin með fíkniefni í fórum sínum. Heimildum ber ekki saman hvort konan sjálf hafi verið með fíkniefni á sér þegar hún var handtekin. Hún liggur engu að síður undir grun hjá lögregluyfirvöldum um að tengjast fíkniefnasmygli. Konan hefur nú setið í gæsluvarðhaldi úti í Kanada í tvo mánuði en gert er ráð fyrir því að hún losni í dag eða á morgun gegn tryggingu. Málið er enn til rannsóknar. Mest lesið „Þetta má aldrei gerast aftur“ Innlent Segir ákvörðun um kæru fyrir nauðgun tekna fyrir andlát flugmanns Innlent Sjö Rúmenar gefa ekkert uppi um tugmilljóna króna þýfi Innlent Hefur þrisvar komið að 13 ára syni sínum meðvitundarlausum Innlent Sextán ára dómur fyrir manndráp í Drangahrauni stendur Innlent Jón Gnarr skráður í Viðreisn og ætlar á Alþingi Innlent Pilturinn áfram bak við lás og slá Innlent Áfrýjaði engu nema ákvörðun um launin og málið fellt niður Innlent Rannsókn á byrlunar- og símamáli Páls skipstjóra úr sögunni Innlent Kristín Benediktsdóttir nýr umboðsmaður Alþingis Innlent Fleiri fréttir Brynjar ákærður fyrir að brjóta á fleiri stúlkum Samherjaskipstjórinn segir málinu ekki lokið Líklega verði flett ofan af fleirum í rannsókn á brotum Diddy Hvers vegna er skiltið í Kúrlandi svo hátt uppi? Rannsókn lögreglu haft kælingaráhrif á alla blaðamannastéttina Um 100 þúsund fjár slátrað á Selfossi Hefur þrisvar komið að 13 ára syni sínum meðvitundarlausum Hamra járnið meðan það er heitt í mansalsmálum Bein útsending: Upplýsingafundur með íbúum Voga vegna jarðhræringa Nemandinn sem stakk Ingunni áfrýjar dómi Ráðþrota móðir, umtöluð rannsókn og skiltaþjófnaður Fagnar niðurstöðunni en lýsir yfir þungum áhyggjum „Þetta má aldrei gerast aftur“ Hissa ef tillaga um stjórnarslit hefði ekki komið fram Sextán ára dómur fyrir manndráp í Drangahrauni stendur Áfrýjaði engu nema ákvörðun um launin og málið fellt niður Þrjú vilja stýra Minjastofnun Varla komist í kast við lögin fyrr en hann flutti kókaín til landsins Bein útsending: Framtíð menntunar á tímum gervigreindar Bein útsending: Sátt um betra menntakerfi Rannsókn á byrlunar- og símamáli Páls skipstjóra úr sögunni Nýr umboðsmaður og SI svara seðlabankastjóra Sjö Rúmenar gefa ekkert uppi um tugmilljóna króna þýfi Vilja að takmarkanir á starfsmannaleigur verði skoðaðar Kristín Benediktsdóttir nýr umboðsmaður Alþingis Tuttugu lyklar í Árbæjarlaug horfnir Inga segir landið að sökkva í sæ vargaldar Jón Gnarr skráður í Viðreisn og ætlar á Alþingi Svandís Svavarsdóttir mætir í Samtalið Pilturinn áfram bak við lás og slá Sjá meira
Íslensk kona er nú í gæsluvarðhaldi í Kanada. Hún er grunuð um aðild að umfangsmiklu fíkniefnamáli sem teygir anga sína til Mexíkó og Kanada. Málið var til rannsóknar íslensku lögreglunnar í samvinnu við þá kanadísku en er rannsóknin nú á forræði kanadísku lögreglunnar. Þetta staðfestir Friðrik Smári Björgvinsson yfirlögregluþjónn. Málið allt hefur yfir sér reyfarakenndan blæ en samkvæmt heimildum Vísis var fyrst gerð tilraun til að fá þrjár íslenskar konur til að gerast burðardýr, án þess þó að þær ættu að fá að vita það. Þetta var í nóvember á síðasta ári. Þessar konur hafa verið yfirheyrðar af lögreglu vegna aðkomu sinnar.Boð sem ekki var hægt að hafna Sú kona sem nú situr í gæsluvarðhaldi í Kanada sagði konunum þremur, sem hún þekkti misvel, að hún hefði unnið fjóra miða til Cancun í Mexíkó í einhverjum óræðum vinkonuleik. Hana vantaði félaga og bauð þeim með sér í ferðina. Allt greitt í topp.Skemmtun á ströndinni, en fljótlega tók gamanið að kárna.Konurnar gátu ómögulega slegið hendinni á móti svo góðu boði. Smátt og smátt tók þær þó að gruna að ekki væri allt með felldu. Til dæmis afhenti konan þeim, hverri um sig, golfsett úti á Leifsstöð og sagði að þær ættu að spila golf úti í Cancun. Þetta væri innifalið. Enginn þeirra spilar golf en þær leiddu ekki hugann að því frekar. Þær voru jákvæðar, að fara í langþráð frí og það sem meira var; sér að kostnaðarlausu. Þær hleyptu því engum grunsemdum að, ekki þá.Fór að renna á þær tvær grímurKonurnar vildu ekki koma fram undir nafni þegar Vísir fór þess á leit. En, flogið var frá Keflavík til Cancun með millilendingu í Toronto í Kanada. Allt gekk vel í fyrstu en smátt og smátt fór konurnar að gruna að ekki væri allt með felldu. Til dæmis var golfsettinu í fyrstu komið fyrir í afgreiðslu hótelsins í Cancun og svo voru þau komin í hendur íslensks manns sem er búsettur í Mexíkó, hvar hann er giftur mexíkóskri konu.Íslensk kona er nú í gæsluvarðhaldi í Kanada grunuð um að hafa ætlað að smygla fíkniefnum til Íslands.Og þegar þær vinkonur fóru að ganga á konuna sem bauð þeim, með það í hvaða happadrætti hún hefði unnið miðana, þá mundi hún það ekki. Þegar þarna var komið sögu voru konurnar orðnar sannfærðar um að maðkur væri í mysunni. Þær voru reyndar orðnar skelfingu lostnar, mjög „paranoid“ og töldu að mexíkóska mafían væri að fylgjast með sér. Og myndi jafnvel nálgast þær og setja þeim stólinn fyrir dyrnar.Flúðu til ÍslandsÞeim tókst, með aðstoð að heiman, að fá fluginu til Íslands flýtt og hröðuðu sér frá Cancun eftir fimm daga dvöl. Ein þeirra hljóp frá öllum sínum farangri og fór eins og hún var klædd, því þær óttuðust mjög að búið væri að koma fíkniefnum fyrir í klæðum þeirra og töskum. Versta grun sinn fengu þær svo staðfestan þegar þær voru kallaðar til yfirheyrslu hjá lögreglunni. Sú sem stóð fyrir ferðinni fór með þeim til Kanada, en þar stungu þær vinkonu sína af og komust í flug heim til Íslands. Konan, sem nú er í haldi úti í Kanada, kom til Íslands í kjölfarið, en fór svo aftur út og var þá gripin með fíkniefni, einkum kókaín samkvæmt heimildum Vísis. Friðrik Smári vildi ekki segja til um hversu mikið, rannsókn málsins væri nú alfarið á forræði kanadísku lögreglunnar.Uppfært klukkan 11:10Í fyrstu útgáfu þessarar fréttar kom fram að konan, sem nú situr í gæsluvarðhaldi í Kanada, hefði verið gripin með fíkniefni í fórum sínum. Heimildum ber ekki saman hvort konan sjálf hafi verið með fíkniefni á sér þegar hún var handtekin. Hún liggur engu að síður undir grun hjá lögregluyfirvöldum um að tengjast fíkniefnasmygli. Konan hefur nú setið í gæsluvarðhaldi úti í Kanada í tvo mánuði en gert er ráð fyrir því að hún losni í dag eða á morgun gegn tryggingu. Málið er enn til rannsóknar.
Mest lesið „Þetta má aldrei gerast aftur“ Innlent Segir ákvörðun um kæru fyrir nauðgun tekna fyrir andlát flugmanns Innlent Sjö Rúmenar gefa ekkert uppi um tugmilljóna króna þýfi Innlent Hefur þrisvar komið að 13 ára syni sínum meðvitundarlausum Innlent Sextán ára dómur fyrir manndráp í Drangahrauni stendur Innlent Jón Gnarr skráður í Viðreisn og ætlar á Alþingi Innlent Pilturinn áfram bak við lás og slá Innlent Áfrýjaði engu nema ákvörðun um launin og málið fellt niður Innlent Rannsókn á byrlunar- og símamáli Páls skipstjóra úr sögunni Innlent Kristín Benediktsdóttir nýr umboðsmaður Alþingis Innlent Fleiri fréttir Brynjar ákærður fyrir að brjóta á fleiri stúlkum Samherjaskipstjórinn segir málinu ekki lokið Líklega verði flett ofan af fleirum í rannsókn á brotum Diddy Hvers vegna er skiltið í Kúrlandi svo hátt uppi? Rannsókn lögreglu haft kælingaráhrif á alla blaðamannastéttina Um 100 þúsund fjár slátrað á Selfossi Hefur þrisvar komið að 13 ára syni sínum meðvitundarlausum Hamra járnið meðan það er heitt í mansalsmálum Bein útsending: Upplýsingafundur með íbúum Voga vegna jarðhræringa Nemandinn sem stakk Ingunni áfrýjar dómi Ráðþrota móðir, umtöluð rannsókn og skiltaþjófnaður Fagnar niðurstöðunni en lýsir yfir þungum áhyggjum „Þetta má aldrei gerast aftur“ Hissa ef tillaga um stjórnarslit hefði ekki komið fram Sextán ára dómur fyrir manndráp í Drangahrauni stendur Áfrýjaði engu nema ákvörðun um launin og málið fellt niður Þrjú vilja stýra Minjastofnun Varla komist í kast við lögin fyrr en hann flutti kókaín til landsins Bein útsending: Framtíð menntunar á tímum gervigreindar Bein útsending: Sátt um betra menntakerfi Rannsókn á byrlunar- og símamáli Páls skipstjóra úr sögunni Nýr umboðsmaður og SI svara seðlabankastjóra Sjö Rúmenar gefa ekkert uppi um tugmilljóna króna þýfi Vilja að takmarkanir á starfsmannaleigur verði skoðaðar Kristín Benediktsdóttir nýr umboðsmaður Alþingis Tuttugu lyklar í Árbæjarlaug horfnir Inga segir landið að sökkva í sæ vargaldar Jón Gnarr skráður í Viðreisn og ætlar á Alþingi Svandís Svavarsdóttir mætir í Samtalið Pilturinn áfram bak við lás og slá Sjá meira