Erlent

Fugladrit fannst á hinu heimsþekkta málverki Ópinu

Þegar verið var að hreinsa upprunalegu útgáfuna af hinu heimsþekkta málverki Ópið eftir norska listmálarann Edvard Munch í síðustu viku kom í ljós að lítill hvítur blettur á því er fugladrit.

Í umfjöllun um málið á vefsíðu Verdens Gang segir að þetta hafi ekki komið listfræðingum í opna skjöldu því vitað var að Munch leyfði verkum sínum ætíð að veðrast utandyra í nokkra daga eftir að hann lauk þeim. Því hafa leifar af fugladriti fundist á fleiri verkum hans.

Nú er deilt um hvort fugladritið sé hluti af verkinu eða hvort eigi að fjarlægja það.

Ópið er til í fjórum útgáfum og seldist ein þeirra á uppboði fyrir 13 milljarða króna í fyrra.




Fleiri fréttir

Sjá meira


×