Innlent

Fyrsta gifting samkynhneigðra hjá Siðmennt

Fyrsta gifting samkynhneigðra sem athafnarstjóri hjá Siðmennt stýrði átti sér stað í gær. Það voru þær Jana Björg Ingadóttir og Jóhanna Kristín Gísladóttir sem giftu sig með persónulegri athöfn og í viðurvist sinna nánustu.

Hörður Torfason, einn af fimmtán athafnarstjórum Siðmenntar sá um athöfnina en hann er upphafsmaður réttindabaráttu samkynhneigðra hér á landi.

Frá árinu 2008 hefur Siðmennt boðið upp á ýmsar félagslegar tímamótaathafnir, svo sem borgarlegar fermingar, giftingar og veraldarlegar útfarir.

Í fréttatilkynningu frá Siðmennt kemur fram að samtökin leggi áherslu á mannvirðingu og gleði í athöfnum sínu ásamt siðrænni hugvekju í anda húmanisma.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið