Liðið stendur og fellur með mér 6. desember 2004 00:01 Fjórir riðlar í meistaradeildinni í fótbolta ljúka keppni í kvöld og verður þá ljóst hvaða átta lið fara upp úr þessum fjórum riðlum. Fimm lið, PSV Eindhoven, AC Milan, Barcelona, Internazionale og Chelsea eru örugg áfram í sextán liða úrslit. Hart er barist um hin þrjú sætin sem í boði eru. Arsenal og gríska liðið Panathinaikos berjast um lausa sætið í E-riðli. Arsenal stendur með pálmann í höndunum þar sem liðið þarf eingöngu að vinna norska liðið Rosenborg á sínum eigin heimavelli til að komast áfram. Rosenborg hefur ekki unnið leik í meistaradeildinni í þrjú ár og ekki unnið leik á útivelli í fimm ár, tapað fjórtán leikjum af þeim fimmtán sem liðið hefur spilað á þeim tímapunkti. Patrick Vieira og Lauren verða í banni en framherjinn magnaði Thierry Henry, sem skoraði tvö mörk Arsenal gegn Birmingham um helgina, veit að það er aðeins hann sem kemur til með að skilja á milli feigs og ófeigs í tilfelli Arsenal. Henry mun væntanlega verða fyrirliði Arsenal í fjarveru Patricks Vieira og finnur til ábyrgðar. "Ef liðið vinnur ekki gegn Rosenborg þá veit ég að ég verð gagnrýndur, hvernig sem ég spila. Ef við dettum út úr keppninni þá verður það mín sök hvort sem mér líkar það betur eða verr og þannig er það bara. Þið getið þó treyst því að ég mun ekki missa svefn yfir því og myndi aldrei vilja vera í annarri aðstöðu. Þetta er ástæðan fyrir því að ég vildi spila fótbolta. Þegar illa gengur þá verða menn að sætta sig við það, leggja sig fram, bera höfuðið hátt og koma til baka," sagði Henry. Það er lítil spenna í F-riðli því AC Milan og Barcelona hafa bæði tryggt sér sæti í sextán liða úrslitum. Eina spennan í riðlinum er hvort Celtic eða úkraínska liðið Shakhtar nái þriðja sætinu í riðlinum og þar með sæti í Evrópukeppni félagsliða. Forráðamenn Barcelona höfðu áhyggjur af öryggi sinna manna í Úkraínu vegna öngþveitisins sem þar ríkir en Shakhtar hefur sýnt Knattspyrnusambandi Evrópu fram á að tilhlýðilegar öryggisráðstafanir verði gerðar. Barcelona ætlar sér væntanlega að reyna að velta AC Milan úr sessi í toppsætinu og getur gert það ef ítalska liðið tapar og það vinnur í Úkraínu. Celtic þarf hins vegar að ná betri úrslitum en Shakhtar þar sem úkraínska liðið er með betri árangur í innbyrðisviðureignum. Hinn eiginlegi úrslitaleikur kvöldsins fer fram á Mestalla-leikvanginum í Valencia þar sem Valencia og þýsku meistararnir Werder Bremen mætast í hreinum úrslitaleik um það hvort liðið kemst í sextán liða úrslitin úr G-riðli en Internazionale er þegar búið að tryggja sig áfram. Valencia verður að vinna Werder Bremen með meira en einu marki þar sem Bremen er með þriggja stiga forystu og vann fyrri leik liðanna 2-1. Helsti markaskorari Bremen, Króatinn Ivan Klasnic, er meiddur og verður væntanlega ekki með og það gæti haft áhrif á lið Werder Bremen. Helsta spennan í H-riðli snýst um hvort Jose Mourinho, stjóri Chelsea, komist lifandi frá heimsókn sinni til föðurlandsins. Hann er með sex lífverði á sínum snærum en þarf ekki að hafa áhyggjur af úrslitunum því Chelsea hefur fyrir lifandis löngu tryggt sér sigur í riðlinum. Porto gæti komist í sögubækurnar sem fyrsta meistaraliðið sem kemst ekki í átta liða úrslit því liðið þarf að vinna Chelsea og treysta á að CSKA Moskva vinni Paris St. Germain á útivelli. Rússarnir eiga einnig möguleika ef þeir vinna í París og Porto vinnur ekki Chelsea. Íslenski boltinn Meistaradeild Evrópu Mest lesið Kristján Guðmundsson: Aldrei brot og mjög slök frammistaða hjá dómurum leiksins Íslenski boltinn Kvaddi stuðningsmennina og kenndi þeim lag um nýja stjórann Fótbolti „Þetta einvígi er rétt að byrja“ Handbolti Schauffele hélt út og tryggði sér sigur með fugli á átjándu Golf Indiana Pacers í úrslit Austurdeildarinnar eftir sigur í oddaleik Körfubolti „Þetta eru tvö dúndurlið“ Körfubolti Lærisveinar Freys einum leik frá því að takast hið ómögulega Fótbolti „Þarf að sjá eld í staðinn fyrir einhverja hræðslu“ Körfubolti Uppgjör: FH - Afturelding 29-32 | Mosfellingar taka forystuna Handbolti Meistararnir köstuðu frá sér þriggja marka forystu Fótbolti Fleiri fréttir Kristján Guðmundsson: Aldrei brot og mjög slök frammistaða hjá dómurum leiksins Indiana Pacers í úrslit Austurdeildarinnar eftir sigur í oddaleik Schauffele hélt út og tryggði sér sigur með fugli á átjándu „Þetta einvígi er rétt að byrja“ „Þetta eru tvö dúndurlið“ „Þarf að sjá eld í staðinn fyrir einhverja hræðslu“ Hákon skoraði en Lille er á leið í umspil Bjarki og félagar bikarmeistarar fjórða árið í röð Kvaddi stuðningsmennina og kenndi þeim lag um nýja stjórann Lærisveinar Freys einum leik frá því að takast hið ómögulega Meistararnir köstuðu frá sér þriggja marka forystu Uppgjör: FH - Afturelding 29-32 | Mosfellingar taka forystuna Uppgjörið og viðtöl: Stjarnan - Breiðablik 3-4 | Rangur dómur réði úrslitum í framlengingu Uppgjör: Njarðvík - Keflavík 71-81 | Keflvíkingar nálgast titilinn Albert kom inn af bekknum er Genoa tapaði gegn tíu Rómverjum Valur og Þróttur flugu inn í átta liða úrslit Þetta gerðist í lokaumferðinni í enska | City meistari og Jóhann Berg kvaddi Martin og félagar einum sigri frá undanúrslitum Gummersbach heldur í Evrópuvon eftir sigur í Íslendingaslag Haukur og félagar lentir undir í úrslitaeinvíginu eftir vítakeppni Manchester City Englandsmeistari fjórða árið í röð United skemmdi kveðjupartý De Zerbi Skytturnar gerðu sitt en horfa samt á eftir titlinum Klopp kvaddi með sigri Ísak lagði upp mark í fyrsta byrjunarliðsleiknum Daníel stórbætti þrjátíu ára Íslandsmet Jóns Arnars Strákarnir hans Gumma komu til baka í öðrum spennutrylli Missti af rauðvínsglasi með Sir Alex Mættust síðast í úrslitum fyrir aldarfjórðungi Guðni Valur Norðurlandameistari Sjá meira
Fjórir riðlar í meistaradeildinni í fótbolta ljúka keppni í kvöld og verður þá ljóst hvaða átta lið fara upp úr þessum fjórum riðlum. Fimm lið, PSV Eindhoven, AC Milan, Barcelona, Internazionale og Chelsea eru örugg áfram í sextán liða úrslit. Hart er barist um hin þrjú sætin sem í boði eru. Arsenal og gríska liðið Panathinaikos berjast um lausa sætið í E-riðli. Arsenal stendur með pálmann í höndunum þar sem liðið þarf eingöngu að vinna norska liðið Rosenborg á sínum eigin heimavelli til að komast áfram. Rosenborg hefur ekki unnið leik í meistaradeildinni í þrjú ár og ekki unnið leik á útivelli í fimm ár, tapað fjórtán leikjum af þeim fimmtán sem liðið hefur spilað á þeim tímapunkti. Patrick Vieira og Lauren verða í banni en framherjinn magnaði Thierry Henry, sem skoraði tvö mörk Arsenal gegn Birmingham um helgina, veit að það er aðeins hann sem kemur til með að skilja á milli feigs og ófeigs í tilfelli Arsenal. Henry mun væntanlega verða fyrirliði Arsenal í fjarveru Patricks Vieira og finnur til ábyrgðar. "Ef liðið vinnur ekki gegn Rosenborg þá veit ég að ég verð gagnrýndur, hvernig sem ég spila. Ef við dettum út úr keppninni þá verður það mín sök hvort sem mér líkar það betur eða verr og þannig er það bara. Þið getið þó treyst því að ég mun ekki missa svefn yfir því og myndi aldrei vilja vera í annarri aðstöðu. Þetta er ástæðan fyrir því að ég vildi spila fótbolta. Þegar illa gengur þá verða menn að sætta sig við það, leggja sig fram, bera höfuðið hátt og koma til baka," sagði Henry. Það er lítil spenna í F-riðli því AC Milan og Barcelona hafa bæði tryggt sér sæti í sextán liða úrslitum. Eina spennan í riðlinum er hvort Celtic eða úkraínska liðið Shakhtar nái þriðja sætinu í riðlinum og þar með sæti í Evrópukeppni félagsliða. Forráðamenn Barcelona höfðu áhyggjur af öryggi sinna manna í Úkraínu vegna öngþveitisins sem þar ríkir en Shakhtar hefur sýnt Knattspyrnusambandi Evrópu fram á að tilhlýðilegar öryggisráðstafanir verði gerðar. Barcelona ætlar sér væntanlega að reyna að velta AC Milan úr sessi í toppsætinu og getur gert það ef ítalska liðið tapar og það vinnur í Úkraínu. Celtic þarf hins vegar að ná betri úrslitum en Shakhtar þar sem úkraínska liðið er með betri árangur í innbyrðisviðureignum. Hinn eiginlegi úrslitaleikur kvöldsins fer fram á Mestalla-leikvanginum í Valencia þar sem Valencia og þýsku meistararnir Werder Bremen mætast í hreinum úrslitaleik um það hvort liðið kemst í sextán liða úrslitin úr G-riðli en Internazionale er þegar búið að tryggja sig áfram. Valencia verður að vinna Werder Bremen með meira en einu marki þar sem Bremen er með þriggja stiga forystu og vann fyrri leik liðanna 2-1. Helsti markaskorari Bremen, Króatinn Ivan Klasnic, er meiddur og verður væntanlega ekki með og það gæti haft áhrif á lið Werder Bremen. Helsta spennan í H-riðli snýst um hvort Jose Mourinho, stjóri Chelsea, komist lifandi frá heimsókn sinni til föðurlandsins. Hann er með sex lífverði á sínum snærum en þarf ekki að hafa áhyggjur af úrslitunum því Chelsea hefur fyrir lifandis löngu tryggt sér sigur í riðlinum. Porto gæti komist í sögubækurnar sem fyrsta meistaraliðið sem kemst ekki í átta liða úrslit því liðið þarf að vinna Chelsea og treysta á að CSKA Moskva vinni Paris St. Germain á útivelli. Rússarnir eiga einnig möguleika ef þeir vinna í París og Porto vinnur ekki Chelsea.
Íslenski boltinn Meistaradeild Evrópu Mest lesið Kristján Guðmundsson: Aldrei brot og mjög slök frammistaða hjá dómurum leiksins Íslenski boltinn Kvaddi stuðningsmennina og kenndi þeim lag um nýja stjórann Fótbolti „Þetta einvígi er rétt að byrja“ Handbolti Schauffele hélt út og tryggði sér sigur með fugli á átjándu Golf Indiana Pacers í úrslit Austurdeildarinnar eftir sigur í oddaleik Körfubolti „Þetta eru tvö dúndurlið“ Körfubolti Lærisveinar Freys einum leik frá því að takast hið ómögulega Fótbolti „Þarf að sjá eld í staðinn fyrir einhverja hræðslu“ Körfubolti Uppgjör: FH - Afturelding 29-32 | Mosfellingar taka forystuna Handbolti Meistararnir köstuðu frá sér þriggja marka forystu Fótbolti Fleiri fréttir Kristján Guðmundsson: Aldrei brot og mjög slök frammistaða hjá dómurum leiksins Indiana Pacers í úrslit Austurdeildarinnar eftir sigur í oddaleik Schauffele hélt út og tryggði sér sigur með fugli á átjándu „Þetta einvígi er rétt að byrja“ „Þetta eru tvö dúndurlið“ „Þarf að sjá eld í staðinn fyrir einhverja hræðslu“ Hákon skoraði en Lille er á leið í umspil Bjarki og félagar bikarmeistarar fjórða árið í röð Kvaddi stuðningsmennina og kenndi þeim lag um nýja stjórann Lærisveinar Freys einum leik frá því að takast hið ómögulega Meistararnir köstuðu frá sér þriggja marka forystu Uppgjör: FH - Afturelding 29-32 | Mosfellingar taka forystuna Uppgjörið og viðtöl: Stjarnan - Breiðablik 3-4 | Rangur dómur réði úrslitum í framlengingu Uppgjör: Njarðvík - Keflavík 71-81 | Keflvíkingar nálgast titilinn Albert kom inn af bekknum er Genoa tapaði gegn tíu Rómverjum Valur og Þróttur flugu inn í átta liða úrslit Þetta gerðist í lokaumferðinni í enska | City meistari og Jóhann Berg kvaddi Martin og félagar einum sigri frá undanúrslitum Gummersbach heldur í Evrópuvon eftir sigur í Íslendingaslag Haukur og félagar lentir undir í úrslitaeinvíginu eftir vítakeppni Manchester City Englandsmeistari fjórða árið í röð United skemmdi kveðjupartý De Zerbi Skytturnar gerðu sitt en horfa samt á eftir titlinum Klopp kvaddi með sigri Ísak lagði upp mark í fyrsta byrjunarliðsleiknum Daníel stórbætti þrjátíu ára Íslandsmet Jóns Arnars Strákarnir hans Gumma komu til baka í öðrum spennutrylli Missti af rauðvínsglasi með Sir Alex Mættust síðast í úrslitum fyrir aldarfjórðungi Guðni Valur Norðurlandameistari Sjá meira