Umfjöllun: Snæfellingar tryggðu sér fyrsta meistaratitilinn með stæl Óskar Ófeigur Jónsson skrifar 29. apríl 2010 23:21 Leikmenn og þjálfari Snæfells fagna í klefanum eftir leikinn. Mynd/Daníel Snæfell tryggði sér fyrsta Íslandsmeistaratitilinn í sögu félagsins með því að slátra Keflavíkurliðinu með 36 stiga sigri, 105-69, á þeirra eigin heimavelli í kvöld. Öll sagan var á mótin Snæfelli í oddaleiknum í Keflavík í gær en þeir tryggðu sér sinn fyrsta Íslandsmeistaratitil með stæl en það var sameinað átak frá öllu liðinu sem sá til þess að Keflvíkingar voru aðeins áhorfendur af því þegar Hólmarar eignuðust sína fyrstu Íslandsmeistara. Snæfellingar gáfu tóninn strax í byrjun, komust í 7-0 og 20-5, hitti úr 11 af fyrstu 12 skotunum sínum og voru komnir 20 stigum yfir (27-7) eftir aðeins rúmar 5 mínútna leik. Emil Þór Jóhannsson fór á kostum í byrjun og var þarna búinn að skora þremur stigum meira en allt Keflavíkurliðið. Snæfell var 18 stigum yfir eftir fyrsta leikhlutann, 37-19 og það var helst Sverrir Þór Sverrisson sem lét Hólmara hafa eitthvað fyrir hlutunum. Keflavík náði muninum aftur niður í sextán stig í öðrum leikhluta en í stöðunni 30-46 skildu aftur leiðir, Snæfell skoraði tíu síðustu stig hálfleiksins og var 56-30 yfir í hálfleik. Snæfellingar skoruðu að vild í hálfleiknum, hitti úr 19 af 33 skotum sínum (58 prósent) og tapaði aðeins 5 boltum. Það gekk flest upp sem sést ekki síst á því að sex leikmenn voru búnir að skora þrist í hálfleiknum. Keflvíkingar voru hinsvegar algjörlega kraftlausir og þar munaði mikið um að tveir lykilmenn voru nánast fjarverandi.Í Keflavíkursókninni voru þeir Hörður Axel Vilhjálmsson og Nick Bradford aðeins með tvö stig saman en þeir klikkuðu á 9 af 10 skotum sínum fyrstu 20 mínútur leiksins. Það þurfti eitthvað kraftaverk að gerast til þess að Keflvíkingar næðu að snúa leiknum við í seinni hálfleik og þó að það mátti sjá talsvert meira lífsmark á mörgum leikmönnum liðsins sást það strax að þeir voru ekkert að fara vinna upp þetta stóra forskot. Uruele Igbavboa reyndi sitt en það var bara ekki nóg. Keflavík minnkaði muninn niður í 16 stig, 54-70, en þá svaraði Snæfell með því að skora 7 síðustu stig þriðja leikhluta og ná aftur 23 stig forskoti fyrir lokaleikhlutann. Lokaleikhlutinn var því aðeins formsatriði og Snæfellingar náðu muninum að lokum upp í 36 stig til þess að gera kvöldið enn vandræðalegra fyrir heimamenn. Snæfell varð í kvöld fyrsta liðið sem vinnur titilinn eftir að hafa lent í 6. sæti í deildinni. Það var ekki einu metin sem féllu í Toyota-höllinni í gær því þetta var sögulegur dagur og þá sérstaklega fyrir kappa eins og Hlyn Bæringsson, Sigurð Þorvaldsson og Jón Ólaf Jónsson sem eru búnir að bíða eftir þessum titli lengur en flestir. Eftir öll silfrin og öll vonbrigðin í lokaúrslitunum í gegnum tíðina þurfti eitthvað sérstakt til þess að landa fyrsta titlinum. Þeir spiluðu sinn allra besta leik á úrslitastundu og þessi frammistaða verður rifjuð upp um ókomna tíð í Hólminum. Ingi Þór Steinþórsson, þjálfari Snæfells, tókst það sem engum öðrum þjálfara hafði tekist í Hólminum. Þetta var frábæra lið hafði aldrei náð að brjótast í gegnum síðasta múrinn en núna er íshellan loksins brotin og þar spilaði Ingi Þór stærri rullu en flestir.Keflavík-Snæfell 69-105 (30-56)Stig Keflavíkur: Uruele Igbavboa 23/6 fráköst, Sverrir Þór Sverrisson 10, Sigurður Gunnar Þorsteinsson 9/6 fráköst, Hörður Axel Vilhjálmsson 7, Gunnar Einarsson 6, Nick Bradford 6/7 stoðsendingar, Jón Nordal Hafsteinsson 5, Davíð Þór Jónsson 2, Guðmundur Auðunn Gunnarsson 1.Stig Snæfells: Hlynur Bæringsson 21/15 fráköst/6 stoðsendingar, Martins Berkis 18/4 fráköst, Emil Þór Jóhannsson 17, Jeb Ivey 13/4 fráköst/7 stoðsendingar, Jón Ólafur Jónsson 12/6 fráköst, Pálmi Freyr Sigurgeirsson 10/4 fráköst, Sigurður Á. Þorvaldsson 9/6 fráköst, Páll Fannar Helgason 3, Gunnlaugur Smárason 2 Dominos-deild karla Mest lesið „Tappinn var settur aftur á kampavínsflöskuna“ Sport Tvö ólík framboð bárust áður en fresturinn rann út Sport Rosalegt reiðikast Rüdiger sem reyndi að kasta hlut í dómarann Fótbolti Tímabilið gæti verið búið hjá Marcus Rashford Enski boltinn Börsungar bikarmeistarar eftir framlengingu Fótbolti Brynjar studdur af KSÍ en Willum af Sundsambandinu Sport Dagskráin í dag: Stútfullur sófasunnudagur til sigurs Sport Warholm setti fyrsta heimsmetið Sport Varamennirnir sáu um ótrúlega endurkomu Ísaks og félaga Fótbolti Missti móður sína nokkrum klukkutímum eftir að hann var valinn í NFL Sport Fleiri fréttir Almar Orri til Miami háskólans „Get ekki sagt að þetta hafi verið auðvelt“ Ármann í úrslit um sæti í efstu deild Uppgjörið: Haukar - Valur 79-64 | Sópurinn á lofti í Ólafssal Elvar stigahæstur í öruggum sigri „Ég saknaði þín“ Stórleikur LeBron James dugði ekki Lakers og Celtics töpuðu líka „Hann er tekinn út úr leiknum“ „Ég get ekki lýst þessu, ég á engin orð“ Uppgjörið: Álftanes - Tindastóll 94-82 | Einvígið jafnt eftir mikinn hasar Aldrei selst fleiri miðar á heimaleik hjá Álftanesi Treyja Bryants margfaldast í verði og varð sú fjórða dýrasta í sögunni Klósettpappír út um allt á vellinum „Ég er bara svo fúll út í okkur sjálfa“ „Bara eitthvað úrslitakeppnisrugl“ Uppgjörið: Grindavík - Stjarnan 99-100 | Ótrúlegur endir kostaði Grindvíkinga sigurinn „Mjög auðveld aðlögun fyrir mig“ Ítölsk stelpa ferðaðist 1.800 kílómetra til að sjá Jón Axel „Gott að sjá honum blæða á vellinum“ „Erfitt að spila á móti liði sem fær þrjár villur í seinni“ Hvergerðingar í úrslit umspilsins „Þjöppuðum okkur saman og kláruðum þetta“ Jón Axel og félagar upp í spænsku úrvalsdeildina Uppgjörið: Keflavík - Njarðvík 73-76 | Njarðvíkur-sigur í spennutrylli Tryggvi Evrópumeistari með Bilbao Basket Fyrrum nýliði ársins í NBA reynir fyrir sér í hnefaleikum „Þessar stelpur kalla ekki allt ömmu sína“ „Vonandi nær maður að grípa í einn svona bikar“ Hörður undir feldinn Luka öflugur og Lakers jafnaði einvígið Sjá meira
Snæfell tryggði sér fyrsta Íslandsmeistaratitilinn í sögu félagsins með því að slátra Keflavíkurliðinu með 36 stiga sigri, 105-69, á þeirra eigin heimavelli í kvöld. Öll sagan var á mótin Snæfelli í oddaleiknum í Keflavík í gær en þeir tryggðu sér sinn fyrsta Íslandsmeistaratitil með stæl en það var sameinað átak frá öllu liðinu sem sá til þess að Keflvíkingar voru aðeins áhorfendur af því þegar Hólmarar eignuðust sína fyrstu Íslandsmeistara. Snæfellingar gáfu tóninn strax í byrjun, komust í 7-0 og 20-5, hitti úr 11 af fyrstu 12 skotunum sínum og voru komnir 20 stigum yfir (27-7) eftir aðeins rúmar 5 mínútna leik. Emil Þór Jóhannsson fór á kostum í byrjun og var þarna búinn að skora þremur stigum meira en allt Keflavíkurliðið. Snæfell var 18 stigum yfir eftir fyrsta leikhlutann, 37-19 og það var helst Sverrir Þór Sverrisson sem lét Hólmara hafa eitthvað fyrir hlutunum. Keflavík náði muninum aftur niður í sextán stig í öðrum leikhluta en í stöðunni 30-46 skildu aftur leiðir, Snæfell skoraði tíu síðustu stig hálfleiksins og var 56-30 yfir í hálfleik. Snæfellingar skoruðu að vild í hálfleiknum, hitti úr 19 af 33 skotum sínum (58 prósent) og tapaði aðeins 5 boltum. Það gekk flest upp sem sést ekki síst á því að sex leikmenn voru búnir að skora þrist í hálfleiknum. Keflvíkingar voru hinsvegar algjörlega kraftlausir og þar munaði mikið um að tveir lykilmenn voru nánast fjarverandi.Í Keflavíkursókninni voru þeir Hörður Axel Vilhjálmsson og Nick Bradford aðeins með tvö stig saman en þeir klikkuðu á 9 af 10 skotum sínum fyrstu 20 mínútur leiksins. Það þurfti eitthvað kraftaverk að gerast til þess að Keflvíkingar næðu að snúa leiknum við í seinni hálfleik og þó að það mátti sjá talsvert meira lífsmark á mörgum leikmönnum liðsins sást það strax að þeir voru ekkert að fara vinna upp þetta stóra forskot. Uruele Igbavboa reyndi sitt en það var bara ekki nóg. Keflavík minnkaði muninn niður í 16 stig, 54-70, en þá svaraði Snæfell með því að skora 7 síðustu stig þriðja leikhluta og ná aftur 23 stig forskoti fyrir lokaleikhlutann. Lokaleikhlutinn var því aðeins formsatriði og Snæfellingar náðu muninum að lokum upp í 36 stig til þess að gera kvöldið enn vandræðalegra fyrir heimamenn. Snæfell varð í kvöld fyrsta liðið sem vinnur titilinn eftir að hafa lent í 6. sæti í deildinni. Það var ekki einu metin sem féllu í Toyota-höllinni í gær því þetta var sögulegur dagur og þá sérstaklega fyrir kappa eins og Hlyn Bæringsson, Sigurð Þorvaldsson og Jón Ólaf Jónsson sem eru búnir að bíða eftir þessum titli lengur en flestir. Eftir öll silfrin og öll vonbrigðin í lokaúrslitunum í gegnum tíðina þurfti eitthvað sérstakt til þess að landa fyrsta titlinum. Þeir spiluðu sinn allra besta leik á úrslitastundu og þessi frammistaða verður rifjuð upp um ókomna tíð í Hólminum. Ingi Þór Steinþórsson, þjálfari Snæfells, tókst það sem engum öðrum þjálfara hafði tekist í Hólminum. Þetta var frábæra lið hafði aldrei náð að brjótast í gegnum síðasta múrinn en núna er íshellan loksins brotin og þar spilaði Ingi Þór stærri rullu en flestir.Keflavík-Snæfell 69-105 (30-56)Stig Keflavíkur: Uruele Igbavboa 23/6 fráköst, Sverrir Þór Sverrisson 10, Sigurður Gunnar Þorsteinsson 9/6 fráköst, Hörður Axel Vilhjálmsson 7, Gunnar Einarsson 6, Nick Bradford 6/7 stoðsendingar, Jón Nordal Hafsteinsson 5, Davíð Þór Jónsson 2, Guðmundur Auðunn Gunnarsson 1.Stig Snæfells: Hlynur Bæringsson 21/15 fráköst/6 stoðsendingar, Martins Berkis 18/4 fráköst, Emil Þór Jóhannsson 17, Jeb Ivey 13/4 fráköst/7 stoðsendingar, Jón Ólafur Jónsson 12/6 fráköst, Pálmi Freyr Sigurgeirsson 10/4 fráköst, Sigurður Á. Þorvaldsson 9/6 fráköst, Páll Fannar Helgason 3, Gunnlaugur Smárason 2
Dominos-deild karla Mest lesið „Tappinn var settur aftur á kampavínsflöskuna“ Sport Tvö ólík framboð bárust áður en fresturinn rann út Sport Rosalegt reiðikast Rüdiger sem reyndi að kasta hlut í dómarann Fótbolti Tímabilið gæti verið búið hjá Marcus Rashford Enski boltinn Börsungar bikarmeistarar eftir framlengingu Fótbolti Brynjar studdur af KSÍ en Willum af Sundsambandinu Sport Dagskráin í dag: Stútfullur sófasunnudagur til sigurs Sport Warholm setti fyrsta heimsmetið Sport Varamennirnir sáu um ótrúlega endurkomu Ísaks og félaga Fótbolti Missti móður sína nokkrum klukkutímum eftir að hann var valinn í NFL Sport Fleiri fréttir Almar Orri til Miami háskólans „Get ekki sagt að þetta hafi verið auðvelt“ Ármann í úrslit um sæti í efstu deild Uppgjörið: Haukar - Valur 79-64 | Sópurinn á lofti í Ólafssal Elvar stigahæstur í öruggum sigri „Ég saknaði þín“ Stórleikur LeBron James dugði ekki Lakers og Celtics töpuðu líka „Hann er tekinn út úr leiknum“ „Ég get ekki lýst þessu, ég á engin orð“ Uppgjörið: Álftanes - Tindastóll 94-82 | Einvígið jafnt eftir mikinn hasar Aldrei selst fleiri miðar á heimaleik hjá Álftanesi Treyja Bryants margfaldast í verði og varð sú fjórða dýrasta í sögunni Klósettpappír út um allt á vellinum „Ég er bara svo fúll út í okkur sjálfa“ „Bara eitthvað úrslitakeppnisrugl“ Uppgjörið: Grindavík - Stjarnan 99-100 | Ótrúlegur endir kostaði Grindvíkinga sigurinn „Mjög auðveld aðlögun fyrir mig“ Ítölsk stelpa ferðaðist 1.800 kílómetra til að sjá Jón Axel „Gott að sjá honum blæða á vellinum“ „Erfitt að spila á móti liði sem fær þrjár villur í seinni“ Hvergerðingar í úrslit umspilsins „Þjöppuðum okkur saman og kláruðum þetta“ Jón Axel og félagar upp í spænsku úrvalsdeildina Uppgjörið: Keflavík - Njarðvík 73-76 | Njarðvíkur-sigur í spennutrylli Tryggvi Evrópumeistari með Bilbao Basket Fyrrum nýliði ársins í NBA reynir fyrir sér í hnefaleikum „Þessar stelpur kalla ekki allt ömmu sína“ „Vonandi nær maður að grípa í einn svona bikar“ Hörður undir feldinn Luka öflugur og Lakers jafnaði einvígið Sjá meira