Stúlka sem breytir heiminum Steinunn Stefánsdóttir skrifar 17. október 2012 06:00 Enn er óljóst með öllu hver afdrif baráttukonunnar og skólastúlkunnar Malölu Yousafzai verða en hún var skotin í höfuðið í síðustu viku. Tilræðismenn, talibanar, skutu stúlkuna þegar hún var á leið heim úr skóla í bænum Mingora í Swat-dalnum sem er norðaustur af Islamabad í Pakistan. Talibönum tókst þó ekki ætlunarverk sitt að ráða Malölu af dögum. Malala var sem kunnugt er flutt á sjúkrahús í Brighton í vikunni þar sem nú er hlúð að henni og henni veitt vernd en talibanar hafa ítrekað ásetning sinn um að ráða bæði Malölu og föður hennar bana en faðir stúlkunnar hefur staðið við hlið dóttur sinnar í baráttu hennar. Þótt Malala sé aðeins 15 ára gömul er hún þekkt vegna baráttu sinnar fyrir rétti stúlkna til að menntast. Malala komst í heimsfréttirnar aðeins 11 ára gömul þegar hún bloggaði á vef BBC þar sem hún greindi frá lífi sínu undir stjórn talibana. Hún hefur þegar fengið friðarverðlaun bæði í heimalandi sínu og annars staðar. Baráttuþrek og hugrekki Malölu Yousafzai er með hreinum ólíkindum. Henni hefur tekist að hreyfa við allri heimsbyggðinni þótt hún sé enn á barnsaldri. Áhrif hennar hafa verið slík að í samfélagi hinna rétttrúuðu hefur verið tekin ákvörðun um að þagga niður í henni. Þó hefur Malala ekki gert annað en að berjast fyrir friði og menntun og barátta hennar hefur farið fram með friðsömum hætti, með orðum og athöfnum. Barátta Malölu skiptir ekki aðeins máli fyrir allar þær stúlkur sem ekki fá að njóta menntunar. Hún er lóð á vogarskálar baráttunnar fyrir því að öll börn, drengir og stúlkur, alls staðar í heiminum fái að njóta þeirra grundvallarréttinda að afla sér menntunar. Það er fólk eins og Malala sem veltir hlössum í baráttunni fyrir betra lífi á jörðinni. Það er vegna fólks eins og hennar sem áfangar hafa náðst í fjölmörgum baráttumálum sem skilað hafa betra lífi. Ýmis réttindi sem þykja sjálfsögð í dag voru það ekki fyrir einhverjum árum eða áratugum og önnur þykja sjálfsögð á einum stað en ekki öðrum, þar á meðal réttur barna til að stunda nám, ekki síst réttur stúlkna því algengara er að þær fái ekki að njóta skólagöngu en bræður þeirra. Malala hefur nú gefið heilsu sína fyrir þessa baráttu. Hún er nú táknmynd í baráttunni fyrir réttindum allra til að njóta menntunar. Því mun aldrei takast að þagga niður í Malölu. Vonandi mun hún þó bæði njóta lífs og heilsu til að upplifa árangur baráttu sinnar. Viltu birta grein á Vísi? Sendu okkur póst. Senda grein Steinunn Stefánsdóttir Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Baldur fýkur ekki eftir vindi Hjördís Rut Sigurjónsdóttir Skoðun Er maðurinn í útrýmingarhættu? Eiríkur Rögnvaldsson Skoðun Eru fjölmiðlar vísvitandi að reyna að hafa áhrif á forsetakosningarnar? Gísli Hvanndal Jakobsson Skoðun Stutt við barnafjölskyldur Ágúst Bjarni Garðarsson Skoðun Grafa skoðanakannanir undan lýðræðinu? Guðlaugur Bragason Skoðun Útrýming mannsins á RÚV Vala Hafstað Skoðun Almenningur á betra skilið en kastljós án upplýsingar Dóra Björt Guðjónsdóttir Skoðun Í tilefni af Alþjóðlega safnadeginum Dagrún Ósk Jónsdóttir Skoðun Hugmyndin sú sama í grunninn Hjörtur J. Guðmundsson Skoðun „Fyrstur kemur fyrstur fær“: Börnum mismunað í aðgengi að sumarnámskeiðum á vegum Reykjavíkurborgar Foreldrar barna á starfsstöð í Vesturbæ Reykjavíkur Skoðun
Enn er óljóst með öllu hver afdrif baráttukonunnar og skólastúlkunnar Malölu Yousafzai verða en hún var skotin í höfuðið í síðustu viku. Tilræðismenn, talibanar, skutu stúlkuna þegar hún var á leið heim úr skóla í bænum Mingora í Swat-dalnum sem er norðaustur af Islamabad í Pakistan. Talibönum tókst þó ekki ætlunarverk sitt að ráða Malölu af dögum. Malala var sem kunnugt er flutt á sjúkrahús í Brighton í vikunni þar sem nú er hlúð að henni og henni veitt vernd en talibanar hafa ítrekað ásetning sinn um að ráða bæði Malölu og föður hennar bana en faðir stúlkunnar hefur staðið við hlið dóttur sinnar í baráttu hennar. Þótt Malala sé aðeins 15 ára gömul er hún þekkt vegna baráttu sinnar fyrir rétti stúlkna til að menntast. Malala komst í heimsfréttirnar aðeins 11 ára gömul þegar hún bloggaði á vef BBC þar sem hún greindi frá lífi sínu undir stjórn talibana. Hún hefur þegar fengið friðarverðlaun bæði í heimalandi sínu og annars staðar. Baráttuþrek og hugrekki Malölu Yousafzai er með hreinum ólíkindum. Henni hefur tekist að hreyfa við allri heimsbyggðinni þótt hún sé enn á barnsaldri. Áhrif hennar hafa verið slík að í samfélagi hinna rétttrúuðu hefur verið tekin ákvörðun um að þagga niður í henni. Þó hefur Malala ekki gert annað en að berjast fyrir friði og menntun og barátta hennar hefur farið fram með friðsömum hætti, með orðum og athöfnum. Barátta Malölu skiptir ekki aðeins máli fyrir allar þær stúlkur sem ekki fá að njóta menntunar. Hún er lóð á vogarskálar baráttunnar fyrir því að öll börn, drengir og stúlkur, alls staðar í heiminum fái að njóta þeirra grundvallarréttinda að afla sér menntunar. Það er fólk eins og Malala sem veltir hlössum í baráttunni fyrir betra lífi á jörðinni. Það er vegna fólks eins og hennar sem áfangar hafa náðst í fjölmörgum baráttumálum sem skilað hafa betra lífi. Ýmis réttindi sem þykja sjálfsögð í dag voru það ekki fyrir einhverjum árum eða áratugum og önnur þykja sjálfsögð á einum stað en ekki öðrum, þar á meðal réttur barna til að stunda nám, ekki síst réttur stúlkna því algengara er að þær fái ekki að njóta skólagöngu en bræður þeirra. Malala hefur nú gefið heilsu sína fyrir þessa baráttu. Hún er nú táknmynd í baráttunni fyrir réttindum allra til að njóta menntunar. Því mun aldrei takast að þagga niður í Malölu. Vonandi mun hún þó bæði njóta lífs og heilsu til að upplifa árangur baráttu sinnar.
Eru fjölmiðlar vísvitandi að reyna að hafa áhrif á forsetakosningarnar? Gísli Hvanndal Jakobsson Skoðun
„Fyrstur kemur fyrstur fær“: Börnum mismunað í aðgengi að sumarnámskeiðum á vegum Reykjavíkurborgar Foreldrar barna á starfsstöð í Vesturbæ Reykjavíkur Skoðun
Eru fjölmiðlar vísvitandi að reyna að hafa áhrif á forsetakosningarnar? Gísli Hvanndal Jakobsson Skoðun
„Fyrstur kemur fyrstur fær“: Börnum mismunað í aðgengi að sumarnámskeiðum á vegum Reykjavíkurborgar Foreldrar barna á starfsstöð í Vesturbæ Reykjavíkur Skoðun