Sjáðu markaveisluna á Anfield í gær

Liverpool er með tveggja stiga forystu á toppi ensku úrvalsdeildarinnar eftir 5-0 sigur á Huddersfield í gærkvöldi.

Huddersfield var fallið fyrir leikinn og því ljóst að það yrði væntanlega boðið til veislu fyrir þá stuðningsmenn sem lögðu leið sína á Anfield í gærkvöldi.

Mörkin urðu að endingu fimm. Sadio Mane skoraði tvö og Mohamed Salah gerði einnig tvö. Naby Keita gerði fyrsta markið eftir innan við tuttugu sekúndur.

Öll mörkin má sjá hér að neðan.