ESB segir neytendur eiga skýlausan rétt á endurgreiðslu fyrir ferðir sem falla niður Stefán Ó. Jónsson skrifar 13. maí 2020 11:03 Forseti framkvæmdastjórnar ESB, Ursula Von der Leyen og Didier Reynders sem hefur málefni dómstóla og neytenda á sinni könnu innan framkvæmdastjórnarinnar. EPA/OLIVIER HOSLET Framkvæmdastjórn Evrópusambandsins undirstrikar að flugfélög og seljendur pakkaferða verði að endurgreiða farþegum sínum falli ferðir þeirra niður, óski þeir þess. Ekki sé heimilt að veita þeim aðeins inneignarnótu sem þó stendur til að gera að meira aðlaðandi valkosti. „Evrópskir neytendur geta verið fullvissir um það að framkvæmdastjórnin mun ekki grafa undan endurgreiðsluréttindum þeirra vegna ferðalaga,“ segir Didier Reynders sem hefur neytendamál á sinni könnu hjá framkvæmdastjórninni. ESB hefur verið undir miklum þrýstingi frá flugfélögum um alla álfuna sem hafa ekki sagst geta endurgreitt farþegum sínum vegna þeirra fjölda ferða sem felldar hafa verið niður í kórónuveirufaraldrinum. Gengið hafi á lausafé flugfélagana sem geti því ekki lengur nálgast fjármuni til að greiða farþegum. Að þeirra mati væri heillavænlegra að gefa bara út inneignarnótur sem farþegar geta innleyst þegar betur árar. Farþegar hafa þó margir verið ragir við að þiggja boðið enda hafa þeir litla vissu um að flugfélög lifi faraldurinn af. Hægt verði að fá inneignarnótur endurgreiddar Haft er eftir fyrrnefndum Reynders í yfirlýsingu sem framkvæmdastjórn ESB sendi frá sér í dag að ekki standi til að hvika frá endurgreiðslureglum, þrátt fyrir harmakvein flugfélaganna. Ætlunin sé jafnframt að gera inneignarnótur að girnilegri kosti fyrir neytendur. Inneignarnóturnar muni þannig njóta gjaldþrotaverndar, þannig að hægt verði að nota þær þó svo að flugfélagið eða ferðaskrifstofan sem verslað var við fari í þrot. Séu þær ekki nýttar í eitt ár eftir útgáfu geti neytandinn farið fram á að fá peninga í staðinn. Inneignarnóturnar eigi að vera sveigjanlegar og framseljanlegar. Yfirlýsingu framkvæmdastjórnarinnar má nálgast í heild sinni hér. Þar er jafnframt drepið á úrræðum sem eiga að styrkja lausafjárstöðu ferðaþjónustufyrirtækja - ekki síst til að tryggja að þau geti uppfyllt fyrrnefndar endurgreiðslur. Að sama skapi má þar sjá hvernig framkvæmdastjórnin ætlar sér að vinda ofan af ferðatakmörkunum í álfunni. Neytendur Evrópusambandið Fréttir af flugi Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf Kínverski risinn sem herjar á evrópska neytendur Viðskipti innlent „Hann eyðileggur alltaf alla stemningu um leið og hann kemur“ Atvinnulíf Að gera ekki algeng mistök sem stjórnandi í fyrsta sinn Atvinnulíf Reynslubolti í hótelrekstri færir sig um set Viðskipti innlent Hvetja fólk til að taka verðmerkingum í Hagkaup með fyrirvara Viðskipti innlent „Ég nenni ekki að standa í einhverju veseni“ Atvinnulíf Vilja rannsaka meint samráð með OPEC Viðskipti erlent Nýjum alþjóðaflugvelli á Grænlandi seinkar enn Viðskipti erlent Fleiri fréttir Vilja rannsaka meint samráð með OPEC Nýjum alþjóðaflugvelli á Grænlandi seinkar enn Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sjá meira
Framkvæmdastjórn Evrópusambandsins undirstrikar að flugfélög og seljendur pakkaferða verði að endurgreiða farþegum sínum falli ferðir þeirra niður, óski þeir þess. Ekki sé heimilt að veita þeim aðeins inneignarnótu sem þó stendur til að gera að meira aðlaðandi valkosti. „Evrópskir neytendur geta verið fullvissir um það að framkvæmdastjórnin mun ekki grafa undan endurgreiðsluréttindum þeirra vegna ferðalaga,“ segir Didier Reynders sem hefur neytendamál á sinni könnu hjá framkvæmdastjórninni. ESB hefur verið undir miklum þrýstingi frá flugfélögum um alla álfuna sem hafa ekki sagst geta endurgreitt farþegum sínum vegna þeirra fjölda ferða sem felldar hafa verið niður í kórónuveirufaraldrinum. Gengið hafi á lausafé flugfélagana sem geti því ekki lengur nálgast fjármuni til að greiða farþegum. Að þeirra mati væri heillavænlegra að gefa bara út inneignarnótur sem farþegar geta innleyst þegar betur árar. Farþegar hafa þó margir verið ragir við að þiggja boðið enda hafa þeir litla vissu um að flugfélög lifi faraldurinn af. Hægt verði að fá inneignarnótur endurgreiddar Haft er eftir fyrrnefndum Reynders í yfirlýsingu sem framkvæmdastjórn ESB sendi frá sér í dag að ekki standi til að hvika frá endurgreiðslureglum, þrátt fyrir harmakvein flugfélaganna. Ætlunin sé jafnframt að gera inneignarnótur að girnilegri kosti fyrir neytendur. Inneignarnóturnar muni þannig njóta gjaldþrotaverndar, þannig að hægt verði að nota þær þó svo að flugfélagið eða ferðaskrifstofan sem verslað var við fari í þrot. Séu þær ekki nýttar í eitt ár eftir útgáfu geti neytandinn farið fram á að fá peninga í staðinn. Inneignarnóturnar eigi að vera sveigjanlegar og framseljanlegar. Yfirlýsingu framkvæmdastjórnarinnar má nálgast í heild sinni hér. Þar er jafnframt drepið á úrræðum sem eiga að styrkja lausafjárstöðu ferðaþjónustufyrirtækja - ekki síst til að tryggja að þau geti uppfyllt fyrrnefndar endurgreiðslur. Að sama skapi má þar sjá hvernig framkvæmdastjórnin ætlar sér að vinda ofan af ferðatakmörkunum í álfunni.
Neytendur Evrópusambandið Fréttir af flugi Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf Kínverski risinn sem herjar á evrópska neytendur Viðskipti innlent „Hann eyðileggur alltaf alla stemningu um leið og hann kemur“ Atvinnulíf Að gera ekki algeng mistök sem stjórnandi í fyrsta sinn Atvinnulíf Reynslubolti í hótelrekstri færir sig um set Viðskipti innlent Hvetja fólk til að taka verðmerkingum í Hagkaup með fyrirvara Viðskipti innlent „Ég nenni ekki að standa í einhverju veseni“ Atvinnulíf Vilja rannsaka meint samráð með OPEC Viðskipti erlent Nýjum alþjóðaflugvelli á Grænlandi seinkar enn Viðskipti erlent Fleiri fréttir Vilja rannsaka meint samráð með OPEC Nýjum alþjóðaflugvelli á Grænlandi seinkar enn Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sjá meira