Innávið - Útskriftarverkefni fatahönnunarnema LHÍ frumsýnt Sylvía Rut Sigfúsdóttir skrifar 14. maí 2021 20:00 Nokkur skjáskot úr LHÍ útskriftarmyndbandinu INNÁVIÐ. Í kvöld frumsýnum við hér á Vísi útskriftarmyndband fatahönnunarnema frá Listaháskóla Íslands. Myndin verður einnig til sýningar á útskriftarsýningu nemenda. Vegna heimsfaraldurs var horfið frá því að vera með hefðbundna tískusýningu, en í stað þess vann hver nemandi tískumyndband (e. Fashion video) út frá sinni útskriftarlínu. Myndböndin sýna hönnunina sjálfa, það er flíkurnar og aukahluti, en um leið hafa þau listrænt gildi út af fyrir sig og eru leið fyrir hönnuðina til að tjá þá frásögn eða tilfinningu sem unnið var með í línunni. Sjö fatahönnuðir útskriftast af námsbrautinni að þessu sinni en það eru þau Berglind Ósk Hlynsdóttir, Emilíana Birta Hjartardóttir, Gerða Jóna Ólafsdóttir, Guðmundur Magnússon, Karen Thuy Duong Andradóttir, Saga Sif Gísladóttir og Valbjörg Rúna Björgvinsdóttir. Leiðbeinendur lokaverkefna í fatahönnun eru Arnar Már Jónsson, Helga Lára Halldórsdóttir, Katrín María Káradóttir, Magnea Einarsdóttir og Regína Rourke. Magnea Einarsdóttir er jafnframt fagstjóri námsbrautar í fatahönnun við Listaháskóla Íslands. Á morgun, laugardag 15. maí, opnar svo útskriftarsýning arkitektúrs, hönnunar og myndlistar LHÍ í Listasafni Reykjavíkur við Tryggvagötu. Sýningin hefur yfirskriftina Af ásettu ráði en nánar má lesa um hanna hér neðar í fréttinni. Útskriftarmyndina INNÁVIÐ má sjá í spilaranum hér fyrir neðan. Klippa: Innávið - Útskriftarverkefni fatahönnunarnema LHÍ Af ásettu ráði Útskriftarsýning Listaháskóla Íslands 2021, Af ásettu ráði, fer fram í Listasafni Reykjavíkur, Hafnarhúsi. Dagana 15. – 24. maí.er hægt að koma og skoða útskriftarverkefni nemenda í BA myndlist, fatahönnun, grafískri hönnun, vöruhönnun, arkitektúr og MA nema í hönnun. Á sýningunni verða útskriftarlínur fatahönnunarnemanna til sýnis, fatnaður og aukahlutir, ásamt því að myndbandið sem hér er frumsýnt, verður sýnt með hljóði klukkan 16:30 alla daga á stórum skjá, fimmtudaga einnig klukkan 20:30 og laugardaga 12:30. Útskriftarsýningin, sem er hluti af Útskriftarhátíð Listaháskóla Íslands, er með stærri listviðburðum ársins hjá Listasafni Reykjavíkur og hana sækja ótal gestir, jafnt fagfólk sem áhugasamir. Þar er hægt að skoða verk tilvonandi hönnuða og listamanna framtíðarinnar og gefur sýningin góða mynd af því sem koma skal. Í ár eru nemendurnir sem sýna á sýningunni um 70 talsins og verk þeirra fjölbreytt eftir því. Sýningarstjórar sýningarinnar eru Birgir Örn Jónsson, Signý Þórhallsdóttir og Una Björg Magnúsdóttir. Sýningin er hluti af HönnunarMars í ár, en hátíðin verður sett formlega í næstu viku. Hér fyrir neðan er texti um Af ásettu ráði, frá sýningarstjórum sýningarinnar: „Það að finna hugmyndum sínum farveg er óvissuferðalag sem krefst hugrekkis og áræðni. Leiðin er sjaldnast vel stikuð og áfangastaðurinn er á sífelldri hreyfingu, ef hann er yfirhöfuð fyrir hendi. Þetta gerir ferðina þó þeim mun æsilegri. Mörk eru þanin og nýjar slóðir kannaðar. Forvitni, útsjónarsemi og einskær ásetningur nemenda hafa nú leitt þá að þessum mikilvægu tímamótum, eftir nám sem hefur veitt þeim fjölbreytt tækifæri til að kanna hugmyndir og þróa færni. Útskriftarsýning Listaháskólans 2021 er uppskeruhátíð ríflega sjötíu nemenda úr myndlistar-, arkitektúr- og hönnunardeildum á BA stigi og úr MA námi í hönnun. Efnistök nemenda eru margvísleg og nálgun hvers og eins einstök. Hér má finna ilmandi bókverk, landsliðsbúninga fyrir nýjar íþróttir, rottu í leit að osti lífsins, hljóðspegil og fullkomið augnablik. Eins er fjallað um skynjun í geimnum, leitina að ástinni, myndbirtingu ofhugsunar og leiðir til að endurnýta gerviefni. Önnur verk leita að nýjum litheimum, gefa okkur innsýn inn í sögur sjómanna og velta upp hugmyndum um nýja byggð í Viðey. Hér eru hvorki einfaldar lausnir né órekjanleg sannindi borin á borð. Verkin birta okkur aftur á móti ferska sýn á það sem við töldum okkur þekkja – eða opna okkur nýjar víddir. Af ásettu ráði hvetjum við gesti til að draga inn andann, opna hugann og njóta uppskerunnar.“ HönnunarMars Menning Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið „Ef við erum lausnamiðuð þá sköpum við tækifærin“ Lífið Bannaði Snorra að kjósa Arnar Þór Lífið Myndaveisla: Rosaleg stemming í kosningavökunum Lífið „Svo góð tilfinning að endurheimta sjálfa sig“ Tónlist Tvöföld veisla hjá Gnarr feðgum Lífið Davíð Helgason og Isabella eignuðust dreng Lífið Krakkatían: Forsetaefni, Disney og tónlist Lífið Fékk að heyra að konur ættu ekki heima á sjó Lífið Fleiri fréttir „Tilfinningaþrungið að fá að fylgja myndinni í flík sem þessari“ Tískan á körfuboltaleiknum Mikil væntumþykja í garð lyklakippunnar Alltaf að stela fötum af kærastanum „Allt frá ofnæmistöflum yfir í míní gjaldeyrissjóð“ Steldu stílnum af konunum í forsetaframboði „Blessunarlega ekkert stoppaður af foreldrum mínum“ Alltaf með jager skot í töskunni Fá í fyrsta sinn að klæðast strigaskóm „Þegar manni líður vel í eigin skinni skín það í gegn“ „Stútfull og við það að springa en hefur aldrei klikkað“ 23 ára og með sína eigin förðunarlínu Laufey skein skært á Met Gala Best klæddu stjörnurnar á Met Gala „Elska hraðann, pressuna og stressið“ Fataherbergið seldi henni íbúðina strax Alltaf með naglaþjöl en gleymir stundum lyklunum Sjá meira
Vegna heimsfaraldurs var horfið frá því að vera með hefðbundna tískusýningu, en í stað þess vann hver nemandi tískumyndband (e. Fashion video) út frá sinni útskriftarlínu. Myndböndin sýna hönnunina sjálfa, það er flíkurnar og aukahluti, en um leið hafa þau listrænt gildi út af fyrir sig og eru leið fyrir hönnuðina til að tjá þá frásögn eða tilfinningu sem unnið var með í línunni. Sjö fatahönnuðir útskriftast af námsbrautinni að þessu sinni en það eru þau Berglind Ósk Hlynsdóttir, Emilíana Birta Hjartardóttir, Gerða Jóna Ólafsdóttir, Guðmundur Magnússon, Karen Thuy Duong Andradóttir, Saga Sif Gísladóttir og Valbjörg Rúna Björgvinsdóttir. Leiðbeinendur lokaverkefna í fatahönnun eru Arnar Már Jónsson, Helga Lára Halldórsdóttir, Katrín María Káradóttir, Magnea Einarsdóttir og Regína Rourke. Magnea Einarsdóttir er jafnframt fagstjóri námsbrautar í fatahönnun við Listaháskóla Íslands. Á morgun, laugardag 15. maí, opnar svo útskriftarsýning arkitektúrs, hönnunar og myndlistar LHÍ í Listasafni Reykjavíkur við Tryggvagötu. Sýningin hefur yfirskriftina Af ásettu ráði en nánar má lesa um hanna hér neðar í fréttinni. Útskriftarmyndina INNÁVIÐ má sjá í spilaranum hér fyrir neðan. Klippa: Innávið - Útskriftarverkefni fatahönnunarnema LHÍ Af ásettu ráði Útskriftarsýning Listaháskóla Íslands 2021, Af ásettu ráði, fer fram í Listasafni Reykjavíkur, Hafnarhúsi. Dagana 15. – 24. maí.er hægt að koma og skoða útskriftarverkefni nemenda í BA myndlist, fatahönnun, grafískri hönnun, vöruhönnun, arkitektúr og MA nema í hönnun. Á sýningunni verða útskriftarlínur fatahönnunarnemanna til sýnis, fatnaður og aukahlutir, ásamt því að myndbandið sem hér er frumsýnt, verður sýnt með hljóði klukkan 16:30 alla daga á stórum skjá, fimmtudaga einnig klukkan 20:30 og laugardaga 12:30. Útskriftarsýningin, sem er hluti af Útskriftarhátíð Listaháskóla Íslands, er með stærri listviðburðum ársins hjá Listasafni Reykjavíkur og hana sækja ótal gestir, jafnt fagfólk sem áhugasamir. Þar er hægt að skoða verk tilvonandi hönnuða og listamanna framtíðarinnar og gefur sýningin góða mynd af því sem koma skal. Í ár eru nemendurnir sem sýna á sýningunni um 70 talsins og verk þeirra fjölbreytt eftir því. Sýningarstjórar sýningarinnar eru Birgir Örn Jónsson, Signý Þórhallsdóttir og Una Björg Magnúsdóttir. Sýningin er hluti af HönnunarMars í ár, en hátíðin verður sett formlega í næstu viku. Hér fyrir neðan er texti um Af ásettu ráði, frá sýningarstjórum sýningarinnar: „Það að finna hugmyndum sínum farveg er óvissuferðalag sem krefst hugrekkis og áræðni. Leiðin er sjaldnast vel stikuð og áfangastaðurinn er á sífelldri hreyfingu, ef hann er yfirhöfuð fyrir hendi. Þetta gerir ferðina þó þeim mun æsilegri. Mörk eru þanin og nýjar slóðir kannaðar. Forvitni, útsjónarsemi og einskær ásetningur nemenda hafa nú leitt þá að þessum mikilvægu tímamótum, eftir nám sem hefur veitt þeim fjölbreytt tækifæri til að kanna hugmyndir og þróa færni. Útskriftarsýning Listaháskólans 2021 er uppskeruhátíð ríflega sjötíu nemenda úr myndlistar-, arkitektúr- og hönnunardeildum á BA stigi og úr MA námi í hönnun. Efnistök nemenda eru margvísleg og nálgun hvers og eins einstök. Hér má finna ilmandi bókverk, landsliðsbúninga fyrir nýjar íþróttir, rottu í leit að osti lífsins, hljóðspegil og fullkomið augnablik. Eins er fjallað um skynjun í geimnum, leitina að ástinni, myndbirtingu ofhugsunar og leiðir til að endurnýta gerviefni. Önnur verk leita að nýjum litheimum, gefa okkur innsýn inn í sögur sjómanna og velta upp hugmyndum um nýja byggð í Viðey. Hér eru hvorki einfaldar lausnir né órekjanleg sannindi borin á borð. Verkin birta okkur aftur á móti ferska sýn á það sem við töldum okkur þekkja – eða opna okkur nýjar víddir. Af ásettu ráði hvetjum við gesti til að draga inn andann, opna hugann og njóta uppskerunnar.“
HönnunarMars Menning Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið „Ef við erum lausnamiðuð þá sköpum við tækifærin“ Lífið Bannaði Snorra að kjósa Arnar Þór Lífið Myndaveisla: Rosaleg stemming í kosningavökunum Lífið „Svo góð tilfinning að endurheimta sjálfa sig“ Tónlist Tvöföld veisla hjá Gnarr feðgum Lífið Davíð Helgason og Isabella eignuðust dreng Lífið Krakkatían: Forsetaefni, Disney og tónlist Lífið Fékk að heyra að konur ættu ekki heima á sjó Lífið Fleiri fréttir „Tilfinningaþrungið að fá að fylgja myndinni í flík sem þessari“ Tískan á körfuboltaleiknum Mikil væntumþykja í garð lyklakippunnar Alltaf að stela fötum af kærastanum „Allt frá ofnæmistöflum yfir í míní gjaldeyrissjóð“ Steldu stílnum af konunum í forsetaframboði „Blessunarlega ekkert stoppaður af foreldrum mínum“ Alltaf með jager skot í töskunni Fá í fyrsta sinn að klæðast strigaskóm „Þegar manni líður vel í eigin skinni skín það í gegn“ „Stútfull og við það að springa en hefur aldrei klikkað“ 23 ára og með sína eigin förðunarlínu Laufey skein skært á Met Gala Best klæddu stjörnurnar á Met Gala „Elska hraðann, pressuna og stressið“ Fataherbergið seldi henni íbúðina strax Alltaf með naglaþjöl en gleymir stundum lyklunum Sjá meira