Erlent

Ever Forward siglir loks á ný

Viktor Örn Ásgeirsson skrifar
Skipið hafði ekki haggast í heilan mánuð.
Skipið hafði ekki haggast í heilan mánuð. AP/Jackson

Gámaflutningaskipið Ever Forward siglir loks á ný en skipið strandaði í Chesapeake-flóa á austurströnd Bandaríkjanna fyrir mánuði síðan.

Samvinna, dráttarbátar, prammar og háflóð komu við sögu, segir í frétt AP fréttaveitunnar um málið: „Með ótrúlegri samvinnu og smá flóði siglir skipið loks á ný,“ sagði hafnarstjórinn William P. Doyle á samfélagsmiðlinum Linkedin.

Skipið er systurskip Ever Given sem stöðvaði umferð um Súesskurð í heila viku á síðasta ári og olli þar með gríðarlegri truflun á vöruflutningum í heiminum.

Ever Forward er 305 metra langt og um borð eru nærri fimm þúsund gámar. Björgunarsveitir fjarlægðu um 500 gáma til að létta skipið og þeir voru fluttir yfir á pramma.

Nú stendur til að sigla skipinu til hafnar og kanna ástand skrokksins. Að því loknu verða gámarnir fluttir yfir á skipið að nýju og það siglir loks sína leið.

Bandaríkin Skipaflutningar

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið