Grænlenskir foreldrar leigðu flugvél frá Íslandi svo börnin kæmust á fótboltamót Kristján Már Unnarsson skrifar 23. apríl 2022 08:08 Um borð í flugvél Ernis. Leiguflugið kostaði 600 þúsund krónur á hvert barn. Sofie Rosa Jakobsen Foreldrar ellefu fótboltakrakka í bænum Qaqortoq á Suður-Grænlandi dóu ekki ráðalausir þegar flugfélagið Air Greenland tilkynnti þeim að ekki væru nógu mörg sæti til að flytja allan hópinn til Tasiilaq á Austur-Grænlandi. Þeir tóku sig saman og leigðu flugvél frá Íslandi. Kostnaðurinn við flugið: 600 þúsund krónur á hvert barn. Hópurinn á flugvellinum í Narsarsuaq.Sofie Rosa Jakobsen Íslenskir foreldrar hafa oft ástæðu til að kvarta undan tíma og kostnaði sem fer í ferðalög sinna barna á íþróttamót innanlands á Íslandi. En heyrið þá um aðstæður grænlenskra foreldra og barna þeirra og hvað þau eru tilbúin að leggja á sig. Grænland er nefnilega gríðarstórt land, án vegakerfis og fjarlægðir miklar milli bæja. Þegar krakkarnir í Qaqortoq vildu taka þátt í ungmennalandsmóti Grænlands í innanhússfótbolta fyrir 15 ára og yngri þá þýddi það 700 kílómetra ferðalag, álíka í loftlínu og milli Reykjavíkur og Færeyja, nema bara talsvert flóknara og dýrara. Á flugvellinum í Kulusuk. Flugvélin gerð klár fyrir flug.Sofie Rosa Jakobsen Það stefndi raunar í að börnin í Qaqortoq yrðu að sitja heima, eftir að hafa æft í allan vetur, þegar Air Greenland tilkynnti að ekki væri pláss í flugvélinni. Foreldrarnir gátu ekki hugsað sér að horfa upp á sársvekkt börnin í dymbilvikunni og leigðu nítján sæta flugvél frá Flugfélaginu Erni á Íslandi. Samkvæmt frétt grænlenska ríkisfjölmiðilsins KNR kostaði 350 þúsund danskar krónur að leigja flugvélina, andvirði 6,6 milljóna íslenskra króna, en vélin flutti hópinn báðar leiðir. Til að kljúfa kostnaðinn söfnuðu foreldrarnir nokkrum styrktaraðilum, sem tóku vel í erindið og hjálpuðu til. Fótboltalið K-33 sem keppti á Grænlandsmótinu í innanhússfótbolta, eða futsal, fyrir leikmenn 15 ára og yngri. Þrettán manna hópurinn frá Qaqortoq, ellefu krakkar, þjálfari og fararstjóri, gat því lagt af stað í keppnisferðalagið. En þar sem flugvöllur er ekki enn kominn í Qaqortoq þurfti fyrst að sigla í tvo tíma til flugvallarins í Narsarsuaq en þangað kom Jetstream-vél Ernis frá Íslandi að sækja hópinn. Síðan var flogið til eyjarinnar Kulusuk, því það er heldur enginn flugvöllur í bænum Tasiilaq. Krakkarnir óku á vélsleðum hluta leiðarinnar milli Kulusuk og Tasiilaq.Sofie Rosa Jakobsen Á þessum árstíma er venjulega farið með þyrlu milli Kulusuk og Tasiilaq, sem tekur um tíu mínútur en þykir nokkuð dýrt. Foreldrarnir leigðu þess í stað vélsleða og fengu síðan báta til að ferja börnin á milli, sem tók um klukkustund, en liðið komst samt í tæka tíð til Tasiilaq. Að móti loknu hélt hópurinn svo sömu leið til baka, með aukagistinótt í Kulusuk, flaug með vél Ernis til Narsarsuaq, sigldi svo þaðan til Qaqortoq og var kominn heim til sín á þriðjudag. Sigla þurfti á bátum um krapafulla rennu á ísnum milli Kulusuk og Tasiilaq.Sofie Rosa Jakobsen Fararstjórinn Sofie Rosa Jakobsen, sem góðfúslega sendi okkur meðfylgjandi ljósmyndir, segir að þetta hafi verið góð ferð. „En það var erfitt að ferðast með unga fólkinu í svona ferð því ábyrgðin var svo mikil,“ segir Sofie Rosa. Hún segist hafa verið smeyk í fyrstu þegar hún sá litlu flugvélina. Flugið hafi þó gengið vel. Hópurinn við flugvél Ernis á flugvellinum í Narsarsuaq. Þaðan er tveggja tíma bátsferð til þeirra heimabæjar, Qaqortoq. Fyrir hin liðin gekk heimferðin ekki eins vel. Um 90 manna hópur keppenda, þjálfara og fararstjóra sat nefnilega veðurtepptur í Tasiilaq í fimm daga. Air Greenland treysti sér ekki til að lenda Dash 8-vélum sínum í Kulusuk vegna veðurs í nokkra daga í röð. Var meðal annars sú skýring gefin að ekki væri til afísingarbúnaður í Kulusuk, að því er fram kemur í frétt KNR af svekktum strandaglópum. Hér má sjá sjónvarpsfrétt KNR um ferðalagið: Í framtíðinni verða ferðalög barnanna í Qaqortoq þó vonandi einfaldari því þar er að hefjast langþráð flugvallargerð, sem Stöð 2 sagði frá í vetur: Grænland Fótbolti Fréttir af flugi Börn og uppeldi Íþróttir barna Tengdar fréttir Suður-Grænland fær loksins nýjan flugvöll Eftir marga ára vandræðagang vegna fjárskorts, tvö útboðsferli og ítrekaðar frestanir virðist gerð nýs aðalflugvallar Suður-Grænlands við bæinn Qaqortoq loksins í höfn. Flugvallafélag landsstjórnar Grænlands hefur undirritað samning við verktaka um gerð flugbrautarinnar og á hún að vera tilbúin haustið 2025 en loðnutekjur af Íslandsmiðum tryggðu fjármögnun. 26. febrúar 2022 08:48 Áforma gerð ellefu flugvalla til að treysta framtíð Grænlands Mesta innviðauppbygging í sögu Grænlands er nú að hefjast með uppbyggingu þriggja flugvalla. Kim Kielsen forsætisráðherra segir framtíð landsins bjarta, 29. ágúst 2019 20:24 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Halla Tómasdóttir kjörin forseti Innlent Fólk hafi kosið taktískt gegn Katrínu Innlent Batt á sig klút til heiðurs Höllu Innlent Eiríkur Ingi nýr handhafi mets sem enginn vill eiga Innlent Hópur ungmenna réðst á starfsmann veitingastaðar Innlent Veit ekki hvað tekur við en byrjar á kaffibolla Innlent Augljóst að kjósendur vilja konu sem næsta forseta Innlent Telur fylgið hafa farið á dreifingu vegna fjölda frambjóðenda Innlent Björn lagði línuna og kjósendur svöruðu kallinu Innlent Fyrstu tölur úr Suðvesturkjördæmi: Minnsti munurinn á Höllu og Katrínu hingað til Innlent Fleiri fréttir Björn lagði línuna og kjósendur svöruðu kallinu Veit ekki hvað tekur við en byrjar á kaffibolla Stöðugt hraunflæði til tveggja átta Eiríkur Ingi nýr handhafi mets sem enginn vill eiga Kosningarnar gerðar upp Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Augljóst að kjósendur vilja konu sem næsta forseta Segir allt stefna í að Halla Tómasdóttir verði forseti Fyrstu tölur úr Suðvesturkjördæmi: Minnsti munurinn á Höllu og Katrínu hingað til Katrín ávarpaði stuðningsmenn: „Ég sé ekki eftir þessu“ Telur fylgið hafa farið á dreifingu vegna fjölda frambjóðenda Fyrstu tölur úr Norðvesturkjördæmi: Halla Tómasdóttir efst Fyrstu tölur úr Reykjavík norður: Halla Tómasdóttir er efst Katrín sér ekki eftir framboði sínu Fyrstu tölur úr Reykjavík suður: Halla Tómasdóttir með flest atkvæði Telur taktíska kosningu hafa unnið gegn sér Segir klútabyltinguna vera hafna Fyrstu tölur úr Suðurkjördæmi: Halla Tómasdóttir með flest atkvæði Fyrstu tölur úr Norðausturkjördæmi: Halla Tómasdóttir efst Halla Hrund: „Þetta ferðalag mun binda okkur saman út ævina“ Bein útsending: Kosningasjónvarp Stöðvar 2 Alls konar dýnamík geti komið inn við myndun tveggja turna Beið í klukkustund eftir að fá að kjósa „Galið! Kosningar eru greinilega ekki fyrir öll!“ Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sjá meira
Hópurinn á flugvellinum í Narsarsuaq.Sofie Rosa Jakobsen Íslenskir foreldrar hafa oft ástæðu til að kvarta undan tíma og kostnaði sem fer í ferðalög sinna barna á íþróttamót innanlands á Íslandi. En heyrið þá um aðstæður grænlenskra foreldra og barna þeirra og hvað þau eru tilbúin að leggja á sig. Grænland er nefnilega gríðarstórt land, án vegakerfis og fjarlægðir miklar milli bæja. Þegar krakkarnir í Qaqortoq vildu taka þátt í ungmennalandsmóti Grænlands í innanhússfótbolta fyrir 15 ára og yngri þá þýddi það 700 kílómetra ferðalag, álíka í loftlínu og milli Reykjavíkur og Færeyja, nema bara talsvert flóknara og dýrara. Á flugvellinum í Kulusuk. Flugvélin gerð klár fyrir flug.Sofie Rosa Jakobsen Það stefndi raunar í að börnin í Qaqortoq yrðu að sitja heima, eftir að hafa æft í allan vetur, þegar Air Greenland tilkynnti að ekki væri pláss í flugvélinni. Foreldrarnir gátu ekki hugsað sér að horfa upp á sársvekkt börnin í dymbilvikunni og leigðu nítján sæta flugvél frá Flugfélaginu Erni á Íslandi. Samkvæmt frétt grænlenska ríkisfjölmiðilsins KNR kostaði 350 þúsund danskar krónur að leigja flugvélina, andvirði 6,6 milljóna íslenskra króna, en vélin flutti hópinn báðar leiðir. Til að kljúfa kostnaðinn söfnuðu foreldrarnir nokkrum styrktaraðilum, sem tóku vel í erindið og hjálpuðu til. Fótboltalið K-33 sem keppti á Grænlandsmótinu í innanhússfótbolta, eða futsal, fyrir leikmenn 15 ára og yngri. Þrettán manna hópurinn frá Qaqortoq, ellefu krakkar, þjálfari og fararstjóri, gat því lagt af stað í keppnisferðalagið. En þar sem flugvöllur er ekki enn kominn í Qaqortoq þurfti fyrst að sigla í tvo tíma til flugvallarins í Narsarsuaq en þangað kom Jetstream-vél Ernis frá Íslandi að sækja hópinn. Síðan var flogið til eyjarinnar Kulusuk, því það er heldur enginn flugvöllur í bænum Tasiilaq. Krakkarnir óku á vélsleðum hluta leiðarinnar milli Kulusuk og Tasiilaq.Sofie Rosa Jakobsen Á þessum árstíma er venjulega farið með þyrlu milli Kulusuk og Tasiilaq, sem tekur um tíu mínútur en þykir nokkuð dýrt. Foreldrarnir leigðu þess í stað vélsleða og fengu síðan báta til að ferja börnin á milli, sem tók um klukkustund, en liðið komst samt í tæka tíð til Tasiilaq. Að móti loknu hélt hópurinn svo sömu leið til baka, með aukagistinótt í Kulusuk, flaug með vél Ernis til Narsarsuaq, sigldi svo þaðan til Qaqortoq og var kominn heim til sín á þriðjudag. Sigla þurfti á bátum um krapafulla rennu á ísnum milli Kulusuk og Tasiilaq.Sofie Rosa Jakobsen Fararstjórinn Sofie Rosa Jakobsen, sem góðfúslega sendi okkur meðfylgjandi ljósmyndir, segir að þetta hafi verið góð ferð. „En það var erfitt að ferðast með unga fólkinu í svona ferð því ábyrgðin var svo mikil,“ segir Sofie Rosa. Hún segist hafa verið smeyk í fyrstu þegar hún sá litlu flugvélina. Flugið hafi þó gengið vel. Hópurinn við flugvél Ernis á flugvellinum í Narsarsuaq. Þaðan er tveggja tíma bátsferð til þeirra heimabæjar, Qaqortoq. Fyrir hin liðin gekk heimferðin ekki eins vel. Um 90 manna hópur keppenda, þjálfara og fararstjóra sat nefnilega veðurtepptur í Tasiilaq í fimm daga. Air Greenland treysti sér ekki til að lenda Dash 8-vélum sínum í Kulusuk vegna veðurs í nokkra daga í röð. Var meðal annars sú skýring gefin að ekki væri til afísingarbúnaður í Kulusuk, að því er fram kemur í frétt KNR af svekktum strandaglópum. Hér má sjá sjónvarpsfrétt KNR um ferðalagið: Í framtíðinni verða ferðalög barnanna í Qaqortoq þó vonandi einfaldari því þar er að hefjast langþráð flugvallargerð, sem Stöð 2 sagði frá í vetur:
Grænland Fótbolti Fréttir af flugi Börn og uppeldi Íþróttir barna Tengdar fréttir Suður-Grænland fær loksins nýjan flugvöll Eftir marga ára vandræðagang vegna fjárskorts, tvö útboðsferli og ítrekaðar frestanir virðist gerð nýs aðalflugvallar Suður-Grænlands við bæinn Qaqortoq loksins í höfn. Flugvallafélag landsstjórnar Grænlands hefur undirritað samning við verktaka um gerð flugbrautarinnar og á hún að vera tilbúin haustið 2025 en loðnutekjur af Íslandsmiðum tryggðu fjármögnun. 26. febrúar 2022 08:48 Áforma gerð ellefu flugvalla til að treysta framtíð Grænlands Mesta innviðauppbygging í sögu Grænlands er nú að hefjast með uppbyggingu þriggja flugvalla. Kim Kielsen forsætisráðherra segir framtíð landsins bjarta, 29. ágúst 2019 20:24 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Halla Tómasdóttir kjörin forseti Innlent Fólk hafi kosið taktískt gegn Katrínu Innlent Batt á sig klút til heiðurs Höllu Innlent Eiríkur Ingi nýr handhafi mets sem enginn vill eiga Innlent Hópur ungmenna réðst á starfsmann veitingastaðar Innlent Veit ekki hvað tekur við en byrjar á kaffibolla Innlent Augljóst að kjósendur vilja konu sem næsta forseta Innlent Telur fylgið hafa farið á dreifingu vegna fjölda frambjóðenda Innlent Björn lagði línuna og kjósendur svöruðu kallinu Innlent Fyrstu tölur úr Suðvesturkjördæmi: Minnsti munurinn á Höllu og Katrínu hingað til Innlent Fleiri fréttir Björn lagði línuna og kjósendur svöruðu kallinu Veit ekki hvað tekur við en byrjar á kaffibolla Stöðugt hraunflæði til tveggja átta Eiríkur Ingi nýr handhafi mets sem enginn vill eiga Kosningarnar gerðar upp Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Augljóst að kjósendur vilja konu sem næsta forseta Segir allt stefna í að Halla Tómasdóttir verði forseti Fyrstu tölur úr Suðvesturkjördæmi: Minnsti munurinn á Höllu og Katrínu hingað til Katrín ávarpaði stuðningsmenn: „Ég sé ekki eftir þessu“ Telur fylgið hafa farið á dreifingu vegna fjölda frambjóðenda Fyrstu tölur úr Norðvesturkjördæmi: Halla Tómasdóttir efst Fyrstu tölur úr Reykjavík norður: Halla Tómasdóttir er efst Katrín sér ekki eftir framboði sínu Fyrstu tölur úr Reykjavík suður: Halla Tómasdóttir með flest atkvæði Telur taktíska kosningu hafa unnið gegn sér Segir klútabyltinguna vera hafna Fyrstu tölur úr Suðurkjördæmi: Halla Tómasdóttir með flest atkvæði Fyrstu tölur úr Norðausturkjördæmi: Halla Tómasdóttir efst Halla Hrund: „Þetta ferðalag mun binda okkur saman út ævina“ Bein útsending: Kosningasjónvarp Stöðvar 2 Alls konar dýnamík geti komið inn við myndun tveggja turna Beið í klukkustund eftir að fá að kjósa „Galið! Kosningar eru greinilega ekki fyrir öll!“ Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sjá meira
Suður-Grænland fær loksins nýjan flugvöll Eftir marga ára vandræðagang vegna fjárskorts, tvö útboðsferli og ítrekaðar frestanir virðist gerð nýs aðalflugvallar Suður-Grænlands við bæinn Qaqortoq loksins í höfn. Flugvallafélag landsstjórnar Grænlands hefur undirritað samning við verktaka um gerð flugbrautarinnar og á hún að vera tilbúin haustið 2025 en loðnutekjur af Íslandsmiðum tryggðu fjármögnun. 26. febrúar 2022 08:48
Áforma gerð ellefu flugvalla til að treysta framtíð Grænlands Mesta innviðauppbygging í sögu Grænlands er nú að hefjast með uppbyggingu þriggja flugvalla. Kim Kielsen forsætisráðherra segir framtíð landsins bjarta, 29. ágúst 2019 20:24