Innlent

Bein útsending: Lúðrablástur og fyrirmenni við vígslu ramps númer þrjú hundruð

Kolbeinn Tumi Daðason skrifar
Haraldur Þorleifsson, oft kenndur við Ueno og starfsmaður hjá Twitter, er maðurinn á bak við verkefnið. Guðni Th. Jóhannesson forseti mætti í Mjóddina í tilefni af tímamótunum.
Haraldur Þorleifsson, oft kenndur við Ueno og starfsmaður hjá Twitter, er maðurinn á bak við verkefnið. Guðni Th. Jóhannesson forseti mætti í Mjóddina í tilefni af tímamótunum. Vísir/Vilhelm

Römpum upp Ísland vígir ramp númer þrjú hundruð klukkan 11:30 í Mjóddinni. Verkefnið snýr að því að setja upp eitt þúsund rampa um allt land á fjórum árum. Sýnt verður beint frá athöfninni á Stöð 2 Vísi.

Þau sem taka til máls:

  • Guðni Th. Jóhannesson, forseti Íslands og verndari verkefnisins
  • Katrín Jakobsdóttir, forsætisráðherra
  • Sigurður Ingi Jóhannsson, innviðaráðherra
  • Dagur B. Eggertsson, borgarstjóri
  • Haraldur Þorleifsson, stofnandi Ueno og forsprakki Römpum upp Ísland
  • Sigríður Theódóra Pétursdóttir, framkvæmdastýra Brandenburg, stýrir viðburðinum auk þess sem skólahljómsveit Breiðholts og Árbæjarskóla spilar tónlist fyrir gesti og gangandi.

Um verkefnið:

Römpum upp Ísland er verkefni sem miðaði að því að setja upp 1.000 rampa á næstu 4 árum. Stofnaður var sjóður með aðkomu fjölmargra fyrirtækja og aðila sem munu standa straum af kostnaði fyrir þá verslunar- og veitingahúsaeigendur sem taka þátt í verkefninu. Með römpunum er öllum gert kleift að sækja veitingastaði og verslanir þátttakenda á landinu öllu. Unnið verður í góðu samstarfi við eigendur viðkomandi bygginga og skipulagsyfirvalda. Haraldur Þorleifsson, stjórnandi hjá Twitter og stofnandi hönnunarfyrirtækisins Ueno, er hvatamaður verkefnisins.

Málefni fatlaðs fólks Reykjavík Félagsmál Forseti Íslands Guðni Th. Jóhannesson
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið