Currywurst ekki lengur uppáhaldsskyndibiti Þjóðverja Atli Ísleifsson skrifar 28. desember 2022 13:28 Currywurst hefur lengi verið uppáhaldsskyndibiti Þjóðverja. En ekki lengur. Getty Ný skoðanakönnun bendir til að Þjóðverjar séu í auknum mæli að snúa baki við hefðbundnum þýskum pylsum þegar kemur að vali á skyndibita. Aldur svarenda virðist þó ráða miklu þegar kemur að valinu. Ný könnun YouGov fyrir fréttaveituna dpa sýnir að döner kebab sé nú vinsælandi skyndibiti Þjóðverja og hafi þar með tekið fram úr „currywurst“ – þýskri pylsu með karrítómatsósu og karríkryddi. Um 45 prósent svarenda segja að þeir myndu frekar fá sér döner – sem tyrkneskir innflytjendur kynntu fyrir Þjóðverjum á áttunda áratugnum – en currywurst sem hefur áratugum saman verið fyrsta val flestra Þjóðverja þegar kemur að skyndibita. Könnunin sýnir að 37 prósent aðspurðra myndu frekar velja currywurst en döner. Fimmtán prósent aðspurðra sögðust myndu velja hvorugt. Sveittur döner í vinnslu.Getty Kynslóðabilið kom þó berlega í ljós í könnuninni þar sem meirihluti fólks, 55 ára og eldri, sagðist frekar velja currywurst. 57 prósent aðspurðra í yngsta aldurshópnum, átján til 24 ára, sagðist hins vegar frekar velja döner, en einungis 21 prósent currywurst. Könnunin leiddi sömuleiðis í ljós að konur væru líklegri til að velja döner, frekar en currywurst. Hagstofa Þýskalands sýnir að alls eru um 40 þúsund dönerveitingastaðir í Þýskalandi og þar af fjögur þúsund í höfuðborginni Berlín. Þýskaland Matur Skoðanakannanir Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Tilfinningaþrungið að fá að fylgja myndinni í flík sem þessari“ Tíska og hönnun The Lazarus Project: Varúð, veldur svefnleysi Gagnrýni Erna Ómars er borgarlistamaður Reykjavíkur Menning Frambjóðendum gekk misvel í hraðaspurningum Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Ghost of Tsushima: Kominn út á PC og enn geggjaður Leikjavísir Fleiri fréttir Fyrsti takóstaðurinn sem fær Michelin-stjörnu Sjá meira
Ný könnun YouGov fyrir fréttaveituna dpa sýnir að döner kebab sé nú vinsælandi skyndibiti Þjóðverja og hafi þar með tekið fram úr „currywurst“ – þýskri pylsu með karrítómatsósu og karríkryddi. Um 45 prósent svarenda segja að þeir myndu frekar fá sér döner – sem tyrkneskir innflytjendur kynntu fyrir Þjóðverjum á áttunda áratugnum – en currywurst sem hefur áratugum saman verið fyrsta val flestra Þjóðverja þegar kemur að skyndibita. Könnunin sýnir að 37 prósent aðspurðra myndu frekar velja currywurst en döner. Fimmtán prósent aðspurðra sögðust myndu velja hvorugt. Sveittur döner í vinnslu.Getty Kynslóðabilið kom þó berlega í ljós í könnuninni þar sem meirihluti fólks, 55 ára og eldri, sagðist frekar velja currywurst. 57 prósent aðspurðra í yngsta aldurshópnum, átján til 24 ára, sagðist hins vegar frekar velja döner, en einungis 21 prósent currywurst. Könnunin leiddi sömuleiðis í ljós að konur væru líklegri til að velja döner, frekar en currywurst. Hagstofa Þýskalands sýnir að alls eru um 40 þúsund dönerveitingastaðir í Þýskalandi og þar af fjögur þúsund í höfuðborginni Berlín.
Þýskaland Matur Skoðanakannanir Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Tilfinningaþrungið að fá að fylgja myndinni í flík sem þessari“ Tíska og hönnun The Lazarus Project: Varúð, veldur svefnleysi Gagnrýni Erna Ómars er borgarlistamaður Reykjavíkur Menning Frambjóðendum gekk misvel í hraðaspurningum Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Ghost of Tsushima: Kominn út á PC og enn geggjaður Leikjavísir Fleiri fréttir Fyrsti takóstaðurinn sem fær Michelin-stjörnu Sjá meira