Erlent

Fjögur látin eftir snjó­flóð í frönsku Ölpunum

Vésteinn Örn Pétursson skrifar
Armancette-jökull.
Armancette-jökull. Getty

Minnst fjórir eru látnir eftir að snjóflóð féll í frönsku Ölpunum. Enn er talin hætta á frekari snjóflóðum.

Snjóflóðið kom úr Armancette-jökli, skammt frá Hvítfjalli í suðausturhluta Frakklands, um miðjan dag í dag.

Breska ríkisútvarpið hefur eftir Gerald Darmanin, innanríkisráðherra Frakklands, að auk hinna látnu séu fleiri særðir og að björgunaraðgerðir séu hafnar. 

Fyrr í dag höfðu birst myndbönd af snjóflóðum á svæðinu og forsvarsmenn skóðahótelsins Comtamines-Montjoie hvatt fólk til þess að fara að öllu með gát. Héraðsstjórn í Haute-Savoie, þar sem snjóflóðið varð, hefur þá varað við því að enn sé snjóflóðahætta á svæðinu.

Darmanin og Emmanuel Macron Frakklandsforseti hafa báðir vottað aðstandendum hinna látnu samúð sína. 

Árið 2014 létust tveir bræður þegar snjóflóð féll úr Armancette.

Frakkland Náttúruhamfarir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið